Veprimtari i herëshëm i komunitetit shqiptar në Amerikë, Ramazan Bekteshi, bashkëluftëtar i flaktë i çështjes kombëtare shqiptare me Tefik Ashikun, shkruajti se Batalioni i veprimtarëve shqiptarë vazhdon të rrallohet.
“Sot iku edhe një mohikan që veproi në tokën e Linkoln-it, që nga viti 1968,” njoftoi Bekteshi nga Çikago, më 15 tetor 2023.
Ai flet për veprimatarinë e Tefik Ashikut, duke kujtuar se veprimtarinë patriotike, I ndjeri e filloi në Gjermani në mesin e viteve 60-ta, për ta vazhduar këtej Atlantikut, në SHBA gjer në frymën e fundit.
Tefiku, tregon Ramazan Bekteshi, punoi me përkushtim për çështjen kombëtare dhe ishte një nacionalist i pakompromis që e deshi Bashkimin Kombëtar me kembëngulësi, dhe njëkohësisht ishte edhe një antikomunist i vendosur.
Balli Kombëtar dhe Lidhja Kosovare, ishin këto dy organizata që Tefik Ashiku bashkëveproi një jetë të tërë, në gjirin e sëcilës poashtu vepronin edhe Abaz Ermeni, Luan Gashi e kolosë tjerë të çështjes kombëtare.
Z. Tefiku ishte një burrë i urtë, bujar që s'i deshi frakcionet, dhe grindjet e shqiptarëve por si një katalizator bashkëpunoi me të gjithë ata që vepronin për çështjen e pambaruar shqiptare.
Tefik Ashiku ishte në ballë të të gjitha fushatave kombëtare, në ballë të fushatave për miqtë tanë në Kongres e Senat, në kampanjat presidenciale, dhe kudo që nevoitej ndihma e tij. Ishte pjesëmarrës në demonstratat e organizuara kundër dhunës sllave, në demonstratat për liri e pavarësi të Kosovës jo vetëm në Çikago por edhe në Detroit, Nju Jork, para selisë së OKB-së, në Washington DC, përpara Shtëpisë së Bardhë dhe në Kapitoll Hill, si dhe në Dayton, Ohio.
Sjellja e një burri të urtë e bujar, veprimtaria e tij e gjatë vullnetare, dhe fuqia e tij bashkuese do të mbeten si kujtim i paharrueshëm kolektiv i komunitetit shqiptaro-amerikan në Illinois për veprimtarin e respektuar.
Veprimtari I herëshëm I komunitetit shqiptar në Amerikë, Ramazan Bekteshi, duke shprehur edhe ngushëllimin e tij, për bashkëluftëtarin që u nda nga jeta në moshën 87 vjeçare, Tefik Ashikun, tha: “ E pastë të lehtë dheun në vendin e tij ku deshi të prehet, në Kërçovën e tij dhe shumë trimave ndër ta edhe dy kryetrimave, dy Mefailat e Zajazit, dy bashkëluftëtarët e Xhemë Gostivarit, që i adhuronte fort.”
Shoqata Shqiptaro-Amerikane Uskana, në Chicago - Illinois, e cila është organizatë jo-fitimprurëse e udhëhequr nga vullnetarë, krijuar nga Tefik Ashiku dhe patriotët kërçovar në Amerikë, në faqe e saj të internetit në Facebook, me dhimbje shkruajti se:
U shemb një shkëmb sot.
Përfundoi një kapitull i begatë, u shua një jetë...por jo edhe legjenda e veprës që la pas.
I urtë, i dashur, i pakursyer për familjen, miqt dhe komunitetin - pjesë aktive e së cilit ishte deri në fund, ai jetoi duke lënë gjurmë të thella në jetët tona.
Tefik Ashiku ishte njëri nga ideatorët dhe themeluesit e Shoqatës Uskana, ishte njëri nga të përbetuarit në Dekalogun e Ballit Kombëtarë, ishte njeriu që, bashkë me shokët e tij, sakrifikoi më shumë se sa duhej për të shtyer përpara proceset kombëtare të kohës.
Ai la gjurmë të cilat i gjejmë në Univerzitetin e Tetovës, në mbështetjen e rinisë që braktiste ushtrinë e Jugosllavisë në 90-at, në lirinë dhe pavarësinë e Kosovës, në betejën për të siguruar zë lobues në Kongresin Amerikan etj etj.
Ky burrë i mirë jetoi bukur, kishte pafundësisht shumë miq, e dashuronte pakufi familjen dhe kombin dhe, si i tillë, mbeti i pashkëputur nga rrënjët e tij deri në fund.
Amaneti i tij ishte: të punojmë bashkë, pa bajraktarizëm!
Ishte njeri shumë përparimtarë, dhe sot ai do kishte dashur ta festojmë jetën e tij, më shumë se sa ta vuajmë humbjen që na la kur mbylli sytë.
Ne do i bëjmë të dyja: do jemi shumë krenarë që e patëm, dhe do e vuajm shumë urtësinë e tij, e cila do na mungojë sa herë që të mblidhemi bashkë me miq.
Fluturo krenarë me jetën që jetove, Xha Tefiku ynë i dashur!
Ngushëllime familjes dhe miqve! u dërgojë nëpërmjet statusit të tij në rrjetin social Twitter Artur Roshi, - Kryetar i Ballit Kombetar Demokrat, nga Tirana,:
Tefik Ashiku, bashkekohes i Mid’hat Frasherit dhe vazhdues i ideve te tij nderroi jete ne SHBA
Keqardhje dhe dhimbje jo vetem per nje njeri te mire qe do ti mungoj familjarve dhe miqve por edhe per nje shpirt luftarak , nje idealist qe do ti mungoj shqiptarizmes .
Keqardhje e madhe per humbjen pakthim te nje brezi patriotesh qe jetuan dhe punuan duke mos reshtur se pari vendin e tyre si Perendi , si nje vokacion deri ne frymen e fundit.
Ceremonia mortore pervecse ne ShBA, vendin qe i dha ketij komuniteti te ballisteve te ikur nga regjimi komunist mundesine e madhe te jetonin dhe te mendonin te lire do te mbahen edhe ne vendlindje Kercove.
Te qofte i lehte dheu i memedheut mik, Me respekt Artur Roshi, (Kryetar i Ballit Kombetar Demokrat)
