Pas njoftimit që erdhi nga shteti i Lowas dhe nga ai i Nju-Jorkut se 17 shkurti do të njihet si Dita e Pavarësisë së Kosovës, edhe shteti i Michiganit ka vendosur ta bëjë të njëjtën gjë.
Përmes një vendimi, Guvernatorja e shtetit, Gretchen Whitmer e ka shpallur 17 shkurtin 2024, si Ditën e Pavarësisë së Kosovës në këtë shtet.
Shqiptarët organizuan festë madhështore në Neë York me rastin e 16 vjetorit të pavarësisë së Republikës së Kosovës.
Ku organizim u mundësua me kërkesën e veprimtarit Naser Nika në emër shoqatës shqiptare- amerikane Staten Island-NY. Asambleisti Charles Fall dhe Senatorja Jesika Spanton mbajtën fjalimet kryesore.
Ky i fundit në një lidhje të drejtpërdrejt për emisionin ‘Good Morning Albanians’ në Euronews Albania, theksoi se kohët e fundit mes shqiptarëve në Amerikë ka shumë përçarje.
Sipas tij xhelozia mes tyre është shumë e madhe.
“Vatrën e kemi por kohët e fundit ka shumë përçarje të madhe. Vatra ka arritur të ndërrojë dhe drytë e dyerve. Shoqatat janë shumë të përçara. Dje organizova çdo gjë, dhe erdhi njëri dhe tha se e kishte bërë dikush tjetër. Populli e dinte se e kam bërë unë, se ata më kishin pritur mua. Xhelozinë e kemi shumë të madhe”-tha ai.
