Pak orë kanë mbetur deri të gara më e madhe në shtetin e Kosovës, Gjysmëmaratona ndërkombëtare “Prishtina 2019” në atletikë, e cila fillon nesër në orën 10.00 nga Teatri Kombëtar Prishtinë, përshkohet rruga Fushë Kosovë-Kastriot dhe Prishtinë. Kjo garë është e 19-ta me radhë dhe vitin e ardhshëm do të shndërrohet edhe në maratonë, kështu ka deklaruar sot në konferencë për shtyp, Halil Sylejmani, kryetar i Federatës Atletike të Kosovës.
Në konferencë ishin edhe pesë atlete e pesë atletë kenianë dhe së bashku me Sylejmanin u zotuan për një garë të fuqishme. Sylejmani tha se janë bërë të gjitha përgatitjet e nevojshme dhe pret mbi 1500 pjesëmarrës në garë, po ashtu edhe një numër të qytetarëve që të janë përreth shtegut në përkrahjen e atletëve. Adrian Mazreku ka deklaruar se sa i përket anës teknike është gjithçka në rregull dhe vetëm e presim me padurim garën. “Kemi bërë punën tonë dhe presim një garë të fuqishme. Fondi i përgjithshëm i shpërblimeve është 13.720 euro.
Gjysmëmaratona organizohet nga Federata Atletike në bashkëpunim me MRKS-në dhe drejtoratin e sportit të Prishtinës, dhe e ndihmojnë shumë sponsorë”, tha mes të tjera Sylejmani. Abei Kibet Rop nga Kenia, fitues i garës së vjetme, synon ta mbrojë titullin. Sylejmani tha se shpërblimi për vendin e parë qoftë të femrat qoftë të meshkujt është 1200 euro, po ashtu ka shpërblime edhe për veteranë edhe për në disiplinën 5 kilometra.
Shpërblimet për 10 vendet e para, 21 km
Meshkuj e femra
Vendi i parë 1200 euro
Vendi i dytë 900 euro
Vendi i tretë 700 euro
Vendi i katërt 500 euro
Vendi i pestë 400 euro
Vendi i gjashtë 300 euro
Vendi i shtatë 200 euro
Vendi i tetë 100 euro
Vendi i nëntë 70 euro
Vendi i dhjetë 50 euro
