“Daimler” shkurton orët e punës dhe shpërblimet

Auto

“Daimler” shkurton orët e punës dhe shpërblimet

Më: 28 korrik 2020 Në ora: 19:58
Daimler

Kompania “Daimler” pritet të shkurtojë orët e punës dhe pagesat e shpërblimeve, pas marrëveshjes së arritur me përfaqësuesit e punëtorëve, për të kundërshtuar efektet e pandemisë së koronavirusit të ri, njoftoi sot prodhuesi gjerman i makinave.

“Masat janë një kontribut i qartë për punësimin dhe stabilizimin e pozicionit tonë financiar. Në këtë mënyrë, vendet e punës në kompani do të siguroheshin deri në vitin 2030”, tha Michael Brecht, kreu i Këshillit të Punës në “Daimler”, raporton ATSh.

Punonjësve në administratë dhe logjistikë do t’u shkurtohen orët e punës nga dy orë në javë, për një vit, duke filluar nga tetori.

Gjithashtu, sipas marrëveshjes, bonuset për vitin 2020 do të shkurtohen tërësisht.

Shfaq komentet
comments powered by Disqus
Sot mund të lexoni Shfletoni kopertinat