LIVE: Irani paralajmëron "tërmet të madh" dhe thotë se na ndajnë vetëm pak orë nga ky konflikt i ri

Mijëra trupa izraelite vazhdojnë të grumbullohen në kufirin e Gazës ndërsa frika e një konflikti më të gjerë në Lindjen e Mesme rritet me përfshirjen kërcënuese të Iranit dhe Hezbollahut ndërsa Egjipti njofton se do të hapë kufirin për palestinezët nesër, shkruan DailyMail, transmeton Bota sot.

Rishi Sunak do t'u drejtohet deputetëve të hënën për krizën e përshkallëzuar në Izrael dhe Gaza ndërsa politikanët kthehen në Westminster mes ripërtëritjes së konfliktit në Lindjen e Mesme.

Palestinezët në Gaza mbeten të përgatitur për një pushtim të afërt izraelit, një javë pasi militantët e Hamasit nisën një sulm vdekjeprurës në vend.

Kryeministri pritet të bëjë një vizitë të hënën në mëngjes për të ripërsëritur mbështetjen e qeverisë së tij për komunitetin hebre, pas një fundjave që pati shqetësime në rritje ndërkombëtare për situatën në rritje në rajon.

Mbreti Abdullah II i Jordanisë u mirëprit në Downing Street të dielën në mbrëmje, ndërsa sundimtari nisi një turne diplomatik në Evropë për të mbledhur mbështetjen ndërkombëtare për të ndaluar luftën.

Ministri i Jashtëm i Iranit ka paralajmëruar privatisht Kombet e Bashkuara se Irani do t'i bashkohet luftës nëse Izraeli pushton Gazën, shkruan DailyMail, transmeton Bota sot.

Hossein Amirabdollahian tha se "duart e të gjitha palëve në rajon janë në këmbëz" dhe pretendoi se mund të ketë vetëm disa orë për të parandaluar përhapjen e konfliktit në Lindjen e Mesme.

Ai tha se Hezbollahu i mbështetur nga Irani ka luajtur me luftë të gjithë skenarët dhe janë gati të luftojnë ndërsa më shumë se 300,000 rezervistë izraelitë mblidhen në kufirin e enklavës palestineze.

“Çdo hap që do të ndërmarrë rezistenca (Hezbollahu) do të shkaktojë një tërmet të madh në entitetin sionist”, u tha ai gazetarëve në Bejrut.

“Dua të paralajmëroj kriminelët e luftës dhe ata që e mbështesin këtë entitet para se të jetë tepër vonë për të ndaluar krimet kundër civilëve në Gaza, sepse mund të jetë tepër vonë për disa orë.

Hezbollahu kontrollon Libanin jugor në kufirin verior të Izraelit dhe ka shkëmbyer vazhdimisht zjarr me ushtarët izraelitë që nga sulmi terrorist i Hamasit më 7 tetor, i cili vrau më shumë se 1,400 izraelitë.

Presidenti i Azerbajxhanit, Ilham Aliyev e ka ngritur lart flamurin kombëtar të shtetit të tij në kryeqytetin e rajonit të shkëputur të Nagorno-Karabakut, pas një operacion të shkurtër muajin e kaluar, që ka rezultuar me kthimin të kontrollit të Bakusë mbi këtë territor.

Presidenca e Azerbajxhanit ka thënë se Aliyev e ka mbajtur një fjalim, pas ngritjes së flamurit në qytetin Kankendi.

Kryeqyteti i Karabakut ka rënë në kontrollin e Azerbajxhanit, pasi forcat e sigurisë së këtij shteti i kanë mposhtur luftëtarët etnikë armenë muajin e kaluar, duke rezultuar me ikjen e 120.000 armenëve etnikë në Armeni.

Nagorno-Karabakh, është rajon malor në Kaukazin e Jugut.

Territori njihet ndërkombëtarisht si pjesë e Azerbajxhanit.

Dy vendet kanë pasur pretendime për këtë rajon dhe kanë luftuar dy herë për të.

Irani të dielën paralajmëroi se çdo ofensivë tokësore izraelite në Rripin e Gazës mund të përshkallëzojë konfliktet diku tjetër në Lindjen e Mesme.

Sipas mediave të huaja, ministri i Jashtëm, Hossein Amir-Abdollahian zhvilloi bisedime me emirin e Katarit, Sheikh Tamim bin Hamad Al-Thani, ndërsa trupat izraelite u grumbulluan në kufi.

“Askush nuk mund të garantojë kontrollin e situatës dhe moszgjerimin e konflikteve”, citohet të ketë thënë ai, sipas një deklarate të ministrisë së jashtme iraniane.

“Ata që janë të interesuar të parandalojnë zgjerimin e luftës dhe krizës, duhet të parandalojnë sulmet aktuale barbare… kundër qytetarëve dhe civilëve në Gaza”, shtoi ai.

Amir-Abdollahian kritikoi gjithashtu Shtetet e Bashkuara, të cilat i kanë dhënë mbështetjen e saj të qartë Izraelit që nga sulmet e 7 tetorit nga luftëtarët e Hamasit që lanë 1300 të vdekur në Izrael.

Sulmet ajrore izraelite që synojnë liderët e Hamasit pas sulmit vdekjeprurës kanë vrarë më shumë se 2,300 njerëz.

Nga të dyja anët, ata ishin kryesisht civilë.

Ndërkohë në Uashington, këshilltari i Sigurisë Kombëtare i Shtëpisë së Bardhë, Jake Sullivan tha se Shtetet e Bashkuara kishin frikë nga një përshkallëzim i luftës dhe perspektiva që Irani, armiku i gjatë i Izraelit dhe mbështetësi i Hamasit, të “angazhohej drejtpërdrejt”.

Kryeministri i Izraelit, Benjamin Netanyahu, e ka mbledhur kabinetin emergjent qeveritar për herë të parë të dielën, duke thënë se uniteti kombëtar i shpërfaqur ditëve të fundit ka dërguar mesazh brenda dhe jashtë shtetit.

Takimi është mbajtur në selinë e ushtrisë në Tel Aviv, dhe ka nisur me një minutë heshtje për t’i nderuar 1.300 izraelitët e vrarë nga grupi militant Hamas, më 7 tetor.

Duke e mirëpritur ligjvënësin opozitar, Benny Gantz, i cili i është bashkuar qeverisë bashkë me disa anëtarë të partisë, Netanyahu ka thënë se të gjithë ministrat janë duke punuar “pa orar, në një front të përbashkët”.

“Hamasi ka menduar se do të na shkatërrojë. Jemi ne ata që do ta shkatërrojmë Hamasin”, ka thënë Netanyahu, duke shtuar se shfaqja e unitetit dërgon mesazh te “kombi, armiku dhe bota”.

Ushtria izraelite është duke u përgatitur për një ofensivë në Gaza, për ta luftuar Hamasin.

Ajo i ka urdhëruar mbi 1 milion palestinezë që të shpërngulen nga veriu në jug të Gazës.

Kombet e Bashkuara i kanë kritikuar urdhrat për evakuime dhe kanë paralajmëruar për katastrofë humanitare.

Ushtria izraelite ka bombarduar shënjestra të Hamasit në Gaza, prej sulmeve të pashembullta të grupit militant ndaj civileve izraelitë në fundjavën e kaluar.

Një video rrëqethëse shfaq momentin kur konvoji i palestinezëve goditet nga një shpërthim i fuqishëm, derisa civilët po largoheshin në jug të Gazës, pas ofensivës izraelite.

Videoja e shpërndarë në rrjetet sociale, shfaq veturat në lëvizje në Salah al-Din Road, pas urdhrit të Izraelit për evakuim dhe fillimit të ofensivës izraelite.

Në videon që ishte postuar në gjuhën arabe dhe përkthyer në atë angleze, thuhet se “pushtuesit u kanë kërkuar civilëve të emigrojnë, e gjatë procesit të zhvendosjes, ata u goditën direkt”.

Sipas analistëve të luftës, bëhet fjalë për një shpërthim si pasojë e një mjeti të improvizuar shpërthyes.

E pamjet u publikuan pasi ministria palestineze e Shëndetësisë, njoftoi dje se 70 persona humbën jetën, shumica gra e fëmijë që janë vrarë nga sulmet ajrore të Izraelit, në autostradën kryesore që lidhë Gazën me Izraelin.

Izraeli mbrëmë i ka dhënë ultimatum banorëve të Gazës në veri, që brenda 24 orëve të largohen pasi pritet të fillojnë ofensivën ndaj Hamasit.

Ushtria izraelite ka publikuar orar të ri për civilët në Gaza, të cilët i ka urdhëruar të largohen drejt jugut.

Banorët do të mund të largohen prej orës 10:00 të mëngjesit deri në orën 13:00 nëpër rrugët e përcaktuara më parë, ka thënë një zëdhënës i ushtrisë izraelite në X – platformë e njohur më parë si Twitter.

Ushtria ka thënë se nuk do t’i sulmojë ato rrugë përgjatë orarit për evakuim.

Njerëzit që kujdesen për sigurinë e familjeve të tyre duhet të nisen drejt jugut, ka thënë ushtria izraelite, duke shtuar se Hamasi, i cili e udhëheq Gazën, kujdeset për pjesëtarët e vet dhe familjet e tyre.

Ka pasur raportime se Hamasi është duke e parandaluar ikjen e civilëve drejt jugut të Gazës.

Izraeli e ka akuzuar vazhdimisht Hamasin se është duke abuzuar me popullin e vet dhe po e përdor si mbrojtje.

Sipas ushtrisë izraelite, mijëra palestinezë tashmë kanë shkuar në jug të Gazës, ndonëse thirrja u është bërë 1 milion civilëve, teksa Izraeli pritet të nisë një ofensivë tokësore për ta luftuar Hamasin.

Kombet e Bashkuara i kanë kritikuar urdhrat për evakuime dhe kanë paralajmëruar për katastrofë humanitare.

Ushtria izraelite ka bombarduar shënjestra të Hamasit në Gaza, prej sulmeve të pashembullta të grupit militant ndaj civileve izraelitë në fundjavën e kaluar./REL

Jonathan Concrius, zëdhënësi i forcave të armatosura të Izraelit (IDF), ka deklaruar se Izraeli do të fillojë “operacione të rëndësishme ushtarake” në Rripin e Gazës vetëm kur civilët të largohen nga ajo zonë.

“Është shumë e rëndësishme që njerëzit në Rripin e Gazës, të dinë se jemi shumë zemërgjerë kur bëhet fjalë për kohën. Kemi dhënë paralajmërimin – mbi 25 orë më parë. Nuk mund të them më shumë se kaq”, tha Concrius për CNN.

Ai porositi palestinezët që “të marrin gjësendet e tyre dhe të nisen drejt jugut”.

“Ruani jetët tuaja dhe mos u futni në grackën që ua ka përgatitur Hamasi”, shtoi zëdhënësi i ushtrisë izraelite.

CNN raporton se gjysma e 2.2 milionë banorë në Rripin e Gazës jetojnë në pjesën që Izraeli u kërkoi të evakuohen.

I try not to raise my voice during interviews, but I felt the line of questioning by @CBCNews here was totally off. We are trying to do the right thing by calling on civilians to evacuate, yet get lectured on humanity. pic.twitter.com/01dWN6QsEn

— Jonathan Conricus (@jconricus) October 14, 2023

Madje thuhet se dhjetëra mijëra palestinezë kanë shkuar në jug para paralajmërimit të parë të izraelitëve. 

Ushtria izraelite (IDF) në rrjetet sociale ka publikuar videon e luftës që po e zhvillon kundër Hamasit.

IDF-ja në profilin zyrtar në X, ka publikuar pamjet nga luftimet që po i zhvillon kundër Hamasit.

Videoja është publikuar dje, por është filmuar më 7 tetor kur filluan luftimet e ashpra mes Hamasit dhe Izraelit.

Kujtojmë që nga Rripi i Gazës në orët e para të shtunës së javës së kaluar, janë shkrepur 5 mijë raketa që nënkuptonte fillimi i konfliktit të armatosur.

Ndërkohë Izraeli është sulmuar nga Siria dhe Libani, e në profilin zyrtar IDF-ja publikuar pamjet nga luftimet në detin Mesdhe.

Në video shihet anija e pjesëtarëve të Hamasit, që tentuan të neutralizojnë patrullën e ushtrisë izraelit.

Megjithatë ushtarët izraelit kanë arritur të neutralizojnë të gjithë pjesëtarët e Hamasit që ishin në anije. 

Israeli Navy ‘Snapir‘ Unit opened fire on terrorists who were swimming toward the shoreline in an attempt to infiltrate Israel by sea.

Soldiers thwarted a number of terrorists, preventing them from reaching the coastline.

*Footage taken on Oct. 7. pic.twitter.com/iNOCsGS5V9

— Israel Defense Forces (@IDF) October 14, 2023

Ushtria izraelite thotë se të paktën 279 ushtarë të saj janë vrarë që nga 7 tetori, kur Hamasi filloi sulmin e tij të befasishëm.

Numri total i të vdekurve në Izrael, përfshirë civilët, është më shumë se 1300.

Në një përditësim, Forcat e Mbrojtjes të Izraelit (IDF) thonë se numri i pengjeve të konfirmuara izraelitë që mbahen në Gaza është 126.

Më parë, Izraeli tha se rreth 150 persona mbaheshin robër në Gaza.