Sunak thotë se Britania është e shqetësuar për humbjen e jetëve në Gaza
Kryeministri i Britanisë së Madhe, Rishi Sunak, në një bisedë që e ka pasur me homologut e tij izraelit, Benjamin Netanyahu, ka thënë se vendi i tij është thellësisht i shqetësuar për humbjen e jetëve të popullsisë civile në Gaza.
Sunak ka shprehu shqetësimin e Britanisë së Madhe për ndikimin potencialisht shkatërruar humanitar të operacionit ushtarak izraelit në Rafa.
“Prioriteti i menjëhershëm duhet të jetë negocimi i një pauze humanitare për të lejuar lirimin e sigurt të pengjeve dhe për të lehtësuar shumë më shumë ndihma që të shkojnë në Gaza, duke çuar në një armëpushim të qëndrueshëm afatgjatë”, tha Sunak, shkruan CNN.
Tutje, bëhet e ditur se Sunak theksoi nevojën që Izraeli të respektojë Ligjin Ndërkombëtar Humanitar dhe të mbrojë infrastrukturën civile si spitalet dhe strehimoret.
Biden flet me Netanyahun, i kërkon të dalë me një plan për të mbrojtur civilët
Presidenti i Shteteve të Bashkuara të Amerikës, Joe Biden ka paralajmëruar kryeministrin e Izraelit, Benjamin Netanyahun që të mos ecë përpara me një operacion ushtarak në Rafah pa një “plan të besueshëm dhe të zbatueshëm” për të mbrojtur civilët.
Izraeli ka deklaruar se do të nisë një ofensivë tokësore në qytetin jugor të Gazës, por është vënë nën presion për të siguruar mbrojtjen e civilëve, shkruan Skynews.
Sipas një njoftimi të lëshuar nga Shtëpia e Bardhë, thuhet se dy liderët kishin diskutuar përmes telefonit për “urgjencën për të siguruar që ndihma humanitare të jetë në gjendje të arrijë tek civilët palestinezë në nevojë të dëshpëruar”.
“Presidenti [Biden] ngriti gjithashtu situatën në Rafah dhe përsëriti pikëpamjen e tij se një operacion ushtarak nuk duhet të vazhdojë pa një plan të besueshëm dhe të zbatueshëm për të garantuar sigurinë dhe mbështetjen për civilët në Rafah”, thuhet në njoftimin që ka lëshuar Shtëpia e Bardhë.
Ata diskutuan gjithashtu edhe për negociatat e vazhdueshme të pengjeve ndërsa Izraeli kërkon të kthejë qytetarët e tij të kapur nga Hamasi.
Netanyahu thotë se Izraeli është kundër krijimit të shtetit palestinez
Disa orë pasi foli në telefon me presidentin amerikan, Joe Biden, Benjamin Netanyahu ka thënë se Izraeli nuk do të pranojë “diktatet ndërkombëtare” për një zgjidhje të luftës.
Kryeministri izraelit deklaroi se konflikti mund të zgjidhet vetëm përmes negociatave, raporton skynews.
Izraeli kundërshton një njohje të njëanshme të shtetësisë palestineze pasi ky do të ishte një “shpërblim i madh” për Hamasin, tha ai.
Kreu i qeverisë shkroi se “Izraeli kundërshton diktatet e drejtpërdrejta ndërkombëtare në lidhje me një zgjidhje të përhershme me palestinezët”.
Koalicioni i krahut të djathtë të Netanyahut kundërshton ashpër një shtet palestinez.
Nuk ka pasur negociata të rëndësishme të nivelit të lartë me palestinezët që kur ai u bë kryeministër dhe ai është mburrur se ka qenë instrument në parandalimin e shtetësisë palestineze.
Ndryshe, zgjidhja me dy shtete ka mbështetje të gjerë ndërkombëtare.
Avionët luftarakë izraelitë bombardojnë pozicionet e Hezbollahut
IDF ka thënë se forcat e saj bombarduan një ndërtesë ushtarake të Hezbollahut në Libanin jugor gjatë natës.
Sulmi në qytetin e Qantara vrau “disa terroristë”, tha IDF.
Ushtria izraelite dhe grupi militant libanez kanë shkëmbyer zjarrin përtej kufirit.
Hezbollahu është në linjë me Iranin dhe ka lëshuar raketa në Izrael në reagim ndaj ofensivës së Izraelit në Gaza.
