Veteranët e Kosovës kanë marrë pjesë suksesshëm në turneun “11th International Easter Basketball Tournament” në Manastir të Maqedonisë Veriore.
Në ditën e parë pësuan humbje nga Strumica 31:18, ndërsa në ndeshjen e dytë fituan ndaj skuadrës vendase Pelisteri me shifrat 34:31.
Ndërkohë, të shtunën shënuan dy fitore në dy ndeshje.
Fillimisht mundën Tikvesh Kavadarci me rezultat 39:25, ndërsa më pas fituan edhe ndaj Borec Veles 43:41.
Kështu në turneun e parë të organizuar si veteranë, që nga themelimi i Ligës së Veteranëve u renditën në vendin e katërt.
Përkundër disa mungesave, Kosova regjistroi tri fitore dhe vetëm një humbje.
