Ndeshja e basketbollit të Euroligës ndërmjet Real Madridit dhe Partizanit të Beogradit u pezullua në më pak se dy minuta të mbetura pas një sherri mes lojtarëve të të dyja skuadrave.
Real Madridi po humbiste 95:80 në shtëpi, por një faull i fortë nga lojtari i Madridit, Sergio Llull ndaj lojtarit amerikan Kevin Punter, nervozoi lojtarët e Partizanit duke i revoltuar të gjithë.
Basketbollistët u përleshën teksa nuk munguan dhe grushtet mes tyre
“Euroliga Basketball dënon fuqishëm ngjarjet që ndodhën në fund të ndeshjes.
Euroliga dënon rëndë rrahjen mes spanjollëve dhe serbëve.
Ngjarje të tilla nuk përfaqësojnë vlerat e respektit që promovojnë liga dhe klubet e saj dhe që mishëron sporti i basketbollit”, thuhej në faqen zyrtare të ligës..
