Kampioni i WBO,IBF, IBO dhe WBA, Anthony Joshua, nuk e ka ndërmend të heq në synimin e tij për një duel me Deontay Wilder.
Britaniku është i vendosur që të unifikojë të gjithë titujt e kampionit, pasi është vetëm ai i WBC që po i mungon, i cili mbahet nga amerikani.
Joshua ka thënë se tash e ca kohë Wilder po i shmanget një dueli me të, por ai ka insistuar se amerikani nuk mund ta bëjë këtë për shumë gjatë.
“Nuk ka të bëjë më me Joshua dhe Wilder. Ka të bëjë me mua dhe titujt” ka thënë britaniku.
“Wilder mund të mos jetë kampion edhe për shumë gjatë. Ai nuk mund të vazhdoj të ikën përgjithmonë dhe ta ruaj titullin” ka thënë tutje AJ.
Joshua do të përballet me Andy Ruiz më 1 qershor, në ‘Madison Square Garden’ të Nju Jork, ku synon ta vazhdojë rekordin pa humbje dhe pa barazim.