Joshua nuk ka nevojë për... - Bota Sot
Joshua nuk ka nevojë për...

Boksi

Joshua nuk ka nevojë për...

Më: 12 qershor 2020 Në ora: 14:34
Joshua nuk ka nevojë për...

Boksieri britanik Anthony Joshua nuk ka nevojë për ndërhyrje kirurgjikale, pas dëmtimit të pësuar pak ditë më parë. Menaxheri dhe promotori i tij Eddie Hearn u shpreh se skaneri që ka kryer tregon se dëmtimi nuk është i rëndë, ndaj karriera e kampionit të botës do të vijojë normalisht.

Hearn tha më tej se ky dëmtim nuk do të prishë planet e Joshua për të mbrojtur titujt kampionë botë të peshës së rëndë fillimisht ndaj bullgarit Kubrat Pulev e më pas të duelojë ndaj Tyson Fury.

“Kur dëmtohesh në këmbë asnjëherë nuk është një gjë e mirë, por ky dëmtim është i lehtë dhe nuk do të ndikojë në planet që Joshua ka bërë për 2020-ën. Nuk do të ketë ndikim as në karrierën e tij”, tha Hearn.

“Do të mbajë një mbrojtëse për 3-4 javë thjesht për të qenë të sigurt dhe për të vijuar stërvitjen i mbrojtur. Thjesht ka ndrydhur gjurin, ndaj s’ka nevojë prë operacion. Gjatë kësaj periudhe nuk duhet të vrapojë”, tha Eddie Hearn.

Shfaq komentet
comments powered by Disqus
Sot mund të lexoni Shfletoni kopertinat