Një krim i tmerrshëm, ku një vajzë 25-vjeçare shtatzënë u vra me grushte nga partneri i saj boksier, ka shokuar mbarë botën.
Krimi i rëndë u shënua mëngjesin e së dielës në Buenos Aires, kryeqytet i Argjentinës.
25-vjeçarja Micaela Sabrina Zalazar, u shtrua mëngjesin e së dielës në spitalin “Julio de Vedia”, në gjendje të rëndë, por si pasojë e hemorragjisë së brendshme gjeti vdekjen gjatë paradites së të martës.
Si të dyshuar për vrasjen e shtatzënës në muajin e katërt, u arrestua bashkëjetuesi i saj, Renzo Pancera, 25 vjeç, boksier amator. shkruan javanews.al. Hetuesit kanë sekuestruar celularin e viktimës, i cili mendohet që të ketë prova kyçe dhe mesazhe që mund të çojnë në zbardhjen e ngjarjes.
Micaela kishte dy fëmijë me të dyshuarin dhe ishte në pritje të fëmijës së tyre të tretë, por sherret dhe kriza në çift, përfunduan me vrasjen e saj.
