Personazhi i njohur i YouTube, Jake Paul, fitoi sot me KO në raundin e gjashtë ndaj yllit të UFC-së, Tyron Woodley, duke triumfuar edhe në revansh. Një sfidë me 8 raunde zhvilluar në Florida, dominuar nga Paul, i pamposhtur në ring (5 fitore, 0 humbje).
Ndonëse pritej më shumë nga Woodley, që sfidën e parë e humbi me vendim jo-unanim, ai zhgënjeu.
Një grusht i fortë i Jake Paul hodhi në tapet ish-kampionin e botës në UFC-së, që pësoi humbjen e dytë radhazi në ring.
This angle of Jake Paul's KO against Tyron Woodley is WILD 😱
— SportsCenter (@SportsCenter) December 19, 2021
(via @ShowtimeBoxing)pic.twitter.com/fMRdVNZ1Bp
Në raundin e tretë, Woodley i shkaktoi Paul një të çarë në fytyrë, por presonazhi i YouTube arriti të rikuperojë këtë moment të vështirë e të fitojë sfidën. Paul kishte premtuar 500 mijë dollarë për atë që do ta mposhte, por Woodley dështoi.