Kosova do të garojë në turneun ndërkombëtar të boksit, që do të mbahet në Podgoricë.
Sekretari i përgjithshëm i Federatës së Boksit të Kosovës, Latif Demolli, konfirmon se në turne shkojnë me disa boksierë.
“Kombëtraja e Kosovës në boks për shkollar (kadet) 2008-2009 do të marr pjesë në turneun ndërkombëtarë “Trophy Of The Podgorica”, i cili do të mbahet nga datat 23 – 27 qershor 2022 në Podgoricë (Mali i Zi).
Kosova do të përfaqësohet me dy (2) boksier, (37-40 kg) Riad Isufi, (52 kg) Flori Tarani dhe selektori Besnik Vranovci.
Kombëtarja e Kosovës në boks për të rinj (17-18 vjeçar) 2004-2005 do të marr pjesë në turneun ndërkombëtarë “Arena Kup”, i cili do të mbahet me 25 qershor në Shkup (Maqedonia e Veriut).
Kosova do të përfaqësohet me katër (4) boksier, 57 kg. Bajram Zymi, 60 kg. Dion Kunushevci, 63.5 kg Planet Berisha, 86 kg. Taulant Jakupi dhe trajneri Lirim Shllaku”, njofton Demolli.
