Një ngjarje e rëndë ka ndodhur gjatë një dueli në ring. Luis Quinones ishte një emër i ri në botën e boksit, i cili dha jetën në “fushën e betejës”.
Në një ndeshje të peshave super të lehta për titullin kampion kombëtar, ai u ndesh me Jose Munoz (21), një luftëtar i pamposhtur deri në atë moment.
Quinones 25-vjeç jo vetëm që u mposht për herë të parë, por dje, pas pesë ditësh në koma të induktuar, ai ndërroi jetë.
Boksieri kolumbian është rrëzuar përtokë pas goditjeve që ka marrë nga kundërshtari i tij në raundin e 8-të. Ai u dërgua me urgjencë në spitalin e Barranquilla, ku u fut në një gjendje kome të induktuar.
Kujtojmë se ky nuk është rasti i parë i vdekjes së një boksieri këtë vit.
Një tragjedi e ngjashme ka ndodhur më herët në Afrikën e Jugut. Disa muaj më parë, boksieri afrikano-jugor Simiso Buthelezi (24) vdiq pasi pësoi lëndime në tru në një ndeshje në peshë të lehtë kundër bashkatdhetarit të tij Siphesihle Mntungwa.
🔴Muere a los 25 años el pugilista colombiano Luis Quiñones‼️
— Andrey G Maya (@AndreyGMaya) September 30, 2022
💢El deceso se dio a las 7:05 p. m. de este jueves 29 de septiembre tras cinco días de haber estado en coma, fue noqueado al terminar el 8vo round contra su amigo y compatriota Jose Muñoz.#Quinones #Box #Colombia pic.twitter.com/qWYhTbiKXB
