Flamurtari është shpallur kampion i Shqipërisë në boks për të rritur, në përfundim të Kampionatit Kombëtar zhvilluar për tri ditë me radhë në qytetin e Vlorë. Skuadra vendase ishte përgatitur mjaft mirë për këtë event, duke mos zhgënjyer tifozët. Flamurtari nxori 8 boksierë kampionë.
Në vendin e dytë u ngjit ekipi i Vllaznisë e më pas ai i Apolonisë.
Në këtë kampionat morën pjesë 7 skuadra dhe rreth 40 boksierë. Gjithsesi, edhe ky event, si thuajse të gjithë kampionatet e boksit ndër vite, nuk kaloi pa incidente dhe polemika, që sollën braktisjen e kampionatit dhe mos zhvillimin e disa dueleve.
Ditën e dytë, një incident mes boksierëve të Tiranës dhe Teutës, për pakënaqësi ndaj gjyqtarëve në duelet ndaj vlonjatëvet, bëri që këto dy skuadra, bashke me Studentin, të braktisin kampionatin, duke mos marrë pjesë në takimet finale. Për pasojë, shumë kampionë këtë vit morën titullin pa zhvilluar duelin final.
Kampionët sipas peshave
51kg, Ariol Zeneli
54kg, Kristjan Koço
57kg, Ani Haxhillari
60kg, Krenar Zeneli
64kg, Rexhildo Zeneli
75kg, Arjon Kajoshi
80kg, Kristjano Hoxhaj
+92kg, Nelson Hysa
Renditja ekipore: 1-Flamurtari, 2-Vllaznia, 3-Apolonia
Boksieri me teknik: Ani Haxhillari (Flamurtari)
Boksieri me i mirë: Krenar Zeneli (Flamurtari)
