Në shtetet e Kontinentit të Vjetër ka shumë sportistë shqiptarë që po shkëlqejnë në sportet e ndryshme.
Përveç futbollit dhe sporteve me dorë, ka një numër të talenteve që po shkëlqejnë në sportet e ndryshme luftarake.
Basile Derebey me prejardhje nga Gjilani, që jeton e vepron në Belgjikë, po dëshmohet gjithnjë e më shumë në sportin e UFC-së.
Po shkëlqen në sportin e kafazit, prej sporteve më të vështira dhe me synime që të bëhet kampioni i botës.
Djaloshi sypatrembur po përgatitet me zell të shtuar për sfidën e madhe, Kampionatin Botëror.
Ai ka përkrahjen e madhe të prindërve sidomos të nënës, Shukrane Kurtalani - Derebey.
Djaloshi nga Kosova, Basile Derebey, ka deklaruar se e ka zgjedhur sportin e UFC ndonëse prindërit dëshironin që të bëhet avokat.
Pamje nga një stërvitje
Ai për gazetën kombëtare “Bota sot”, ka treguar se si i lindi dashuria për këtë sport atraktiv.
“Bota sot”: Si iu lindi dashuria për sportin e UFC-s?
Basile Derebey: Jam 17 - vjeçar dhe nga Brukseli.
Kam filluar me jiujitsu braziliane qysh ne moshën 6-vjeçare dhe me pas duke parë UFC-n, si Georges Saint Pierre, luftëtarin tim të preferuar menjëherë më hyri në zemër dhe shkova të ushtroja në MMA.
“Bota sot”: Cilat janë synimet tuaja?
Basile Derebey: Synimi im është që të bëhem kampion i organizatës me të madhe, UFC.
Po punoj pareshtur në këtë drejtim.
“Bota sot”: Cili është suksesi më i madh deri me tash?
Basile Derebey: Kam qenë kampion evropian në jiu-jitsus, kampion belg disa herë kampion francez.
Gjithashtu isha I katërti në Kampionatin Botëror të IMMAF MMA Abu Dhabi.
“Bota sot”: Cila është gara e radhës?
Basile Derebey: Do të luftoj në nëntor në Kampionatin Botëror - MMA në Tiranë të Shqipërisë.
Besoj e shpresoj se do të jem në formën më të mirë.
“Bota sot”: Sa është i vështirë ky sport?
Basile Derebey: Kërkon shumë disiplinë, shumë stërvitje dhe shumë inteligjencë.
“Bota sot”: A e keni përkrahjen e prindërve?
Basile Derebey: Prindërit e mi me mbështesin në çdo gjë që bëj. Ata kanë qenë gjithmonë njësoj edhe pse e di që do të deëhironin të bëhem avokat, hahaha!!
