Presidenti i UFC, Dana White, njoftoi kohët e fundit përballjen e parë që do të zhvillohet në eventin jubilar UFC-300 (13 prill).
Ai konfirmoi duelin për titullin kampion bote në peshën “strawweight” (pesha 48-52kg), mes kampiones në fuqi, kinezes Weili Zhang dhe patriotes së saj Yan Xiaonan.
Është pse kjo është një sfidë interesante, fansat shpërthyen kundër UFC-në në mediat sociale për këtë duel. Pjesërisht dolën kundër sepse eventi UFC-300 nuk ka ende një përballje kryesore të madhe.
Ndërkohë që vetë Dana White ka premtuar një event të çmendur.
Ai që kërkon t’i vijë në ndihmë Dana White është një nga luftëtarët më të ndjekur të këtij sporti, “gangsteri” Nate Diaz. Ai premtoi të kthehej në kafaz dhe ka dalë vullnetar të kryesojë eventin UFC-300, duke argumentuar se triologjia e tij me Conor McGregor do të ishte përballja që të gjithë fansat dëshirojnë.
“Unë supozoja të isha rival me McGregor në eventin UFC-200.
Të jesh sfida kryesore në eventin UFC-300 është edhe më mirë”, është komenti i postuar nga Nate Diaz në rrjetet sociale.
Ai dhe irlandezi janë përballur në eventet UFC-196 dhe UFC-202 në vitin 2016.
Duket se edhe tifozët janë dakord për një duel mes dy rivalëve të vjetër, ndërkohë që janë përballur dy herë dhe secili ka nga një fitore. McGregor donte një event special për rikthimin e tij dhe kjo sfidë ndaj Diaz në një event të tillë me siguri do të sillte shumë fitime për të gjitha palët.
