Kantautori i njohur shqiptar Ermal Meta ndodhet në Shqipëri, pasi do të këndojë në “Festivalin e Këngës” në RTSH.
Me të mbërritur në Tiranë, Ermal ka nisur provat. Por gjatë një konference për shtyp një ditë më parë, Meta ka treguar se në fillim nuk e pranoi ftesën për të qenë pjesë e këtij festivali.
Arsyeja se pse refuzoi ftesën fillimisht ishte nëse nuk e dinte nëse do të ishte në gjendje të përballonte kaq shumë
emocione kur të ngjitej në një skenë kaq të madhe ku këndohej vetëm shqip.
“Kur isha në Shqipëri ndiqja më shumë muzikë klasike, ndikuar nga mamaja. Ndërsa muzika ‘pop’ mori një formë më të theksuar në Itali. Nuk e kam ndjekur shumë muzikën shqiptare. Vetëm disa kam mundur të shoh”, tha Ermal Meta teksa fliste për muzikën shqiptare.