Jonida Vokshi befason me ndryshimin në pamje, nuk e njeh as bashkëshorti

Bota e Yjeve

Jonida Vokshi befason me ndryshimin në pamje, nuk e njeh as bashkëshorti

Më: 17 janar 2021 Në ora: 16:24
Jonida Vokshi

Në muajin qershor të vitit që lamë pas, moderatorja e njohur Jonida Vokshi dhe partneri i saj, Besnik Krapi, u bekuan me një vajzë.

Çifti vendosi që të voglën ta pagëzojë me emrin Emi, me të cilën na ka prezantuar tashmë përmes rrjeteve sociale. Emi është bërë kryefjala e jetës së dyshes, të cilët tashmë janë në qiellin e shtatë nga lumturia.

Pas lindjes, Jonida i befasoi të gjithë me format e trupit të saj dhe çdo kilogram që kishte shtuar gjatë shtatzënisë, e humbi menjëherë.

Image

Madje, pasi u bë nënë moderatorja vendosi të bëjë edhe një tjetër ndryshim në pamjen e saj, duke ndjekur rregullin e pashkruar të hapjes së ngjyrës së flokëve gjatë verës, duke shtuar disa highlights në flokët e saj.

Ky ndryshim u prit shumë mirë nga fansat dhe në fakt e ndryshoi shumë Jonidën. Kështu, ajo vendosi të shtonte akoma më shumë nuanca e të afrohej edhe më kah biondes dhe në fillim mezi njihej.

Një ndryshim të vogël moderatorja mjaft e dashur e ekraneve shqiptare e paska ruajtur edhe për stinën e dimrit. Ditën e sotme, Jonida ka postuar një video në “Instagram” ku shihej në makinë dhe gjejeni pak! Ka prerë balluke.

Ndryshimi i look-ut të saj ka befasuar edhe  bashkëshortin e saj, Besnik Krapi, i cili shkroi: “Kush është kjo?”, koment që ka shkaktuar batuta mes tyre ku u përfshi edhe aktorja, Olta Daku.

Image

“Shoqja e Olta Dakut me sa di une,”- iu përgjigj Jonida të shoqit.

Ndërsa Olta Daku iu kthye: “Eshtë nusja jote Besnik!”, koment që u shoqërua me batutën e aktorit: “E di more e di. E njoha prej makines.”

Ky ndryshim i saj është pritur mjaft mirë nga fansat, që menjëherë kanë shkruar komentet më të bukura.

Shfaq komentet
comments powered by Disqus
Sot mund të lexoni Shfletoni kopertinat