Në një deklaratë të postuar në llogarinë e tij në Instagram të premten, Justin Timberlake i kërkoi falje Britney Spears dhe Janet Jackson për “hapat e gabuar” që ai tha se kontribuuan në “një sistem që miraton mizogjininë dhe racizmin”, shkruan CNN.
“Kam parë mesazhet, etiketimet, komentet dhe shqetësimet dhe dua të përgjigjem”, shkroi ai. “Më vjen keq për kohën në jetën time kur veprimet e mia kontribuuan në problem, ku unë fola pa vend, ose nuk u shpreha për atë që ishte e drejtë”.
Spears, e cila është në mes të një beteje të profilit të lartë ligjor në lidhje me konservatorin e saj, të atin. Këngëtarja dhe Timberlake ishin në lidhje dashurie për disa vjet në atë që ishte ndoshta piku i karrierës së tyre të epokës adoleshente.
Pas ndarjes, Britney u bë temë e tabloieve dhe përndjekjeve të paparacëve që përfundoi në një krizë mendore shumë publike në vitin 2007.
Këngëtari kërkoi falje për rolin e tij në mbulimin mediatik që mund të ketë pasur ndikim negativ në shëndetin e saj mendor.
