Dua Lipa dhe Callum Turner nuk rrinin dot larg njëri-tjetrit teksa shëtisnin në Los Anxheles.
Këngëtarja e hitit “One Kiss” dhe aktori britanik u panë ditën e martë duke u puthur, përqafuar dhe buzëqeshur ndërsa morën kafe dhe bënë disa blerje.
Çifti dukej shumë i lumtur dhe po shijon fazat e para të lidhjes së tij. Si një kavalier i vërtetë, Callum kishte hedhur krahun mbi shpatullat e Duas dhe mbante çantat e saj.
Kjo është hera e dytë që Dua dhe Callum dalin së bashku në publik. Në fillim ata u panë në një restorant të famshëm me kuzhinë aziatike ku bënë publike lidhjen e tyre.
Historia e tyre ka habitur fansat dhe njëkohësisht ka shkaktuar një zhurmë të madhe. Kjo ngjarje e fundit duket se vetëm përforcon pozitën e tyre si një ndër çiftet më të përfolur të showbiz-it.
