Pelegrinët myslimanë filluan të mbërrinin në Mekë të shtunën për haxhin e dytë të kufizuar duke pasur parasysh kufizimet e shkaktuara si pasojë e Covid-19, me vetëm 60,000 banorë të vaksinuar plotësisht të Arabisë Saudite në gjendje të marrin pjesë këtë vit.
Sipas mediave të huaja, pamjet tregojnë pelegrinë me maska fytyre që qarkullonin në vendin më të shenjtë të Islamit në shtigje të distancuara nga njëri-tjetri, ndërsa mbretëria shpresonte të “kopjonte” haxhin e vitit të kaluar, i cili nuk pa shpërthim të virusit.
Sipas DailyMail, pjesëmarrësit u zgjodhën përmes një sistemi lotarie nga më shumë se 558,000 aplikantë të moshës midis 18 dhe 65.
Aplikantët duhej të vaksinoheshin plotësisht dhe të mos vuanin nga ndonjë sëmundje kronike, tha ministria e haxhit.
Ndërsa haxhi i këtij viti është më i madh se versioni në vitin 2020, ai është në mënyrë drastike më i vogël se në kohët normale, duke ngjallur pakënaqësi midis disa jashtë vendit – të cilët zakonisht kursejnë për vite para, për të marrë pjesë – të cilët u ndaluan edhe një herë.
Sidoqoftë, ata që kishin fatin, pasi hipën në autobusë për në Xhaminë e Madhe të Mekës, pelegrinët filluan të bënin ‘tavafin’, rrethrrotullimin e Qabesë.
Ndërkohë shumë të pranishëm mbanin çadra për t’u mbrojtur nga nxehtësia e madhe e verës.
Haxhi, zakonisht një nga tubimet vjetore më të mëdha fetare në botë me mesatarisht rreth 2.5 milionë njerëz që marrin pjesë, është një nga pesë shtyllat e Islamit dhe duhet të kryhet nga të gjithë myslimanët që kanë mundësi materiale për ta bërë këtë të paktën një herë në jetën e tyre.
