Këshilltari i presidentit ukrainas Volodymyr Zelensky, Mihailo Podolyak, ka publikuar një video e cila pretendohet se shfaq një ushtar të ri ukrainas të cilin e kanë zënë rob trupat ruse.
Në profilin e tij zyrtar në Twitter, Podolyak ka shkruar se ushtarët rusë këtë video ia kanë dërguar të ëmës së ushtarit ukrainas të zënë rob.
Nga ajo kishin kërkuar 5.000 euro, përndryshe videon e radhës që do t’ia dërgonin do të ishte ku shihet duke ia vrarë të birin e zënë rob.
“Ushtria ruse çdo ditë e më shumë na kujton militantët e ISIS-it. Rusia duhet të njihet si shtet terrorist”, ka shkruar Podolyak në profilin e tij në Twitter.
Ndryshe në video mund të shihet ushtari i ri i uniformuar i cili është zënë rob, transmeton Telegrafi.
Derisa merrej në pyetje ai dëgjohet duke u prezantuar si Alexey Antonovich, që u arrestua më 23 prill dhe se është pjesëtar i Brigadës 109 të Mbrojtjes Territoriale të rajonit Donetsk.
Це відео надіслали матері українського полоненого російські солдати. Вони вимагають €5000 до понеділка, інакше на наступному відео буде страта її сина. 🇷🇺 військові дедалі більше нагадують бойовиків ІДІЛ. Росія має бути визнана державою-терористом. pic.twitter.com/Xbg7z15rJp
— Михайло Подоляк (@Podolyak_M) April 25, 2022
