Zonja e parë e Ukrainës, Olena Zelenska, ka thënë se beson se Rusia synon të shkatërrojë vendin e saj, raporton CNN, transmeton Bota sot.
Duke folur në një intervistë në të cilën ajo zbuloi trazirat e thella që konflikti ka shkaktuar në familjen dhe bashkëqytetarët e saj, Zelenska i tha gazetës polake Rzeczpospolita se pushtimi i Ukrainës "ndryshoi plotësisht gjithçka, përfshirë jetën tonë".
Në një intervistë të largët të lëshuar më 28 prill, Zelenska tha se që nga fillimi i pushtimit më 24 shkurt, Presidenti Volodymyr Zelensky "u zhvendos në Bankowa Street (zyra e presidentit në Kiev), në vendin e tij të punës", ndërsa ajo ka qëndruar me fëmijët e tyre.
"Nuk ka ditë pushimi nga puna dhe pushim në luftë. Shpesh, nuk e di as ditën e javës. Ka vetëm atë që është sot, çfarë duhet bërë," shtoi ajo.
Zelenksa tha se fëmijët e saj po studiojnë nga distanca ndërsa ajo punon me iniciativën e saj me zonjat e tjera të para, qeveritë e vendeve individuale, aktivistët dhe vullnetarët për të organizuar evakuimin e fëmijëve të sëmurë dhe jetimë në vende të sigurta.
E pyetur nëse lufta e ka ndryshuar burrin e saj, ajo tha: "Për disa arsye e dëgjoj shumë këtë pyetje. Por lufta nuk e ndryshoi atë".
