Policia ukrainase ka mbledhur trupat e atyre që kanë vdekur për t'i varrosur në varre masive.
Guvernatori rajonal i Luhansk, Serhiy Gaidai tha se rreth 150 persona janë varrosur në një varr të vetëm masiv, raporton Sky news, përcjell "Bota sot".
Oleksiy Arestovych, një këshilltar i presidentit të Ukrainës, tha se "ushtria ruse është duke pasur njëfarë suksesi taktik që po kërcënon të bëhet një sukses operacional në drejtim të Lysychansk dhe Sievierodonetsk".
Rruga kryesore nga Sievierodonetsk po bombardohej, por ndihma humanitare ende po hynte, tha Gaidai në një deklaratë të mëparshme.
Presidenti i Ukrainës, Volodymyr Zelenskyy, tha se trupat ruse "janë shumë më tepër ne numër" në disa pjesë të lindjes.
