Luftimet në Ukrainë janë ngadalësuar dhe kjo ka të ngjarë të vazhdojë në muajt e ardhshëm të dimrit, kanë raportuar agjencitë e inteligjencës amerikane.
Megjithatë, nuk ka pasur prova të zbehjes së rezistencës nga ana e forcave ukrainase, tha drejtoresha e inteligjencës amerikane Avril Haines.
Ajo tha se të dyja palët do të përpiqen të “riparojnë, rifurnizojnë dhe rindërtojnë” për çdo kundërsulm në pranverë.
Lufta në Ukrainë është tani në muajin e saj të nëntë, por Rusia ka humbur më shumë se gjysmën sipërfaqeve të pushtuara.
Zonja Haines tha në një forum të mbrojtjes në Kaliforni se shumica e luftimeve janë aktualisht rreth rajonit Bakhmut dhe Donetsk të Ukrainës lindore.
Ajo tha se luftimet ishin ngadalësuar pas tërheqjes së trupave ruse nga perëndimi i rajonit të Kherson muajin e kaluar.
“Ne po shohim një lloj ritmi të reduktuar tashmë të konfliktit… dhe ne presim që kjo ka të ngjarë të jetë ajo që do të shohim edhe në muajt e ardhshëm,” tha ajo.
Ajo shtoi se si Ukraina ashtu edhe ushtria ruse do të përpiqen të përgatiten për kundërsulm pas dimrit në pranverë.
Por ne në fakt kemi një masë të mjaftueshme skepticizmi nëse rusët do të jenë apo jo, në fakt, të përgatitur për ta bërë këtë”, tha ajo.
“Unë jam më optimiste për ukrainasit në atë hark kohor”, përfundoi zyrtarja amerikane.
