Ministri i Jashtëm i Ukrainës ka akuzuar Rusinë për një "krim gjenocidal".
Dmytro Kuleba i tha Këshillit të të Drejtave të Njeriut të Kombeve të Bashkuara se Rusia po ndërmerrte dëbimin më të madh të detyruar të fëmijëve në historinë moderne, përcjell Bota sot.
Në një video-mesazh në ditën e parë të këshillit në Gjenevë, ai tha: "Ky është një krim gjenocidal".
Komentet e tij pasojnë ato që ai bëri në Këshillin e Sigurimit të OKB-së të premten, kur Kuleba tha se Rusia po angazhohej në "rrëmbime të sponsorizuara nga shteti" në Ukrainë.
Më herët sot, kreu i OKB-së tha se pushtimi rus shkaktoi "shkeljet më masive të të drejtave të njeriut".
Në një fjalim, Sekretari i Përgjithshëm António Guterres dënoi agresionin "të pakuptimtë" të Rusisë dhe tha se ai "kishte shkaktuar vdekje, shkatërrim dhe zhvendosje të gjerë".
