Këshilltari i Sigurisë Kombëtare i Shtëpisë së Bardhë, Jake Sullivan, pritet të marrë pjesë në bisedimet e paqes për luftën në Ukrainë javën e ardhshme në Arabinë Saudite, thanë zyrtarët amerikanë.
Ukraina po merr drejtimin në përpjekjet në të cilat pritet të marrin pjesë vendet perëndimore dhe vendet në zhvillim. Rusia nuk pritet të marrë pjesë në bisedime, shkruan CNN.
Qëllimi i Ukrainës është që bisedimet të punojnë për të identifikuar parimet e përbashkëta për t’i dhënë fund luftës dhe se do të ketë një samit paqeje më vonë këtë vit me liderët globalë të nënshkruar për të mbështetur këto parime, thanë zyrtarët amerikanë.
Bisedimet e organizuara në Arabinë Saudite janë të dytat në serinë e takimeve të organizuara nga shefi i Zyrës së Presidentit të Ukrainës, Andriy Yermak. Bisedimet e para u zhvilluan në fillim të këtij viti në Kopenhagë .
