Një ish-punonjës çerdhe në Australi po ndiqet penalisht për sulm seksual ndaj 91 vajzave dhe të vegjëlve në një nga rastet “më të tmerrshme” të abuzimit të fëmijëve në vend.
Mediat e huaja shkruajnë se sulmet ndodhën në dhjetë qendra të ndryshme të kujdesit ditor midis 2007 dhe 2022. Sipas policisë, ato kishin në shënjestër ekskluzivisht “vajzat para adoleshencës”, ku viktima më e vogël ishte vetëm një vjeç.
45-vjeçarja është akuzuar për 1623 krime, duke përfshirë 136 akuza për përdhunim dhe 110 akuza për kontakt seksual me fëmijë nën moshën dhjetë vjeç, sipas prokurorëve.
Policia e arrestoi atë pasi gjeti pornografi për fëmijë në të ashtuquajturin rrjetë të errët, me sfondin që sugjeronte se ishte filmuar në një qendër çerdhe në Brisbane, qyteti më i populluar në shtetin perëndimor të Queensland.
Në celularin dhe kompjuterin e saj u gjetën më shumë se 4000 foto, të cilat klasifikohen si prova, ku policia vetëm atëherë kuptoi shtrirjen dhe peshën e veprimeve “të tmerrshme” të ish-punonjëses së çerdhes.
Ndër të tjera në media thuhet se nga 91 viktimat, 87 janë shtetas australianë. Policia beson se katër të tjerë janë abuzuar në vitet 2013-2014 kur ai punoi për një kohë të shkurtër jashtë vendit.
Policia australiane tha se po punonte me agjencitë ndërkombëtare për të identifikuar viktimat. Ai nuk ka bërë të ditur se për cilin shtet apo shtete bëhet fjalë.
