Kanadaja po digjet me 5,500 zjarre që kanë konsumuar 13.4 milionë hektarë deri më sot dhe zyrtarët paralajmëruan të premten se ka "aktivitet të rëndësishëm zjarri" ende.
Zjarret kanë shpërthyer në çdo provincë dhe territor nga bregu në breg, nga British Columbia në Perëndim në Territoret Veriperëndimore dhe në Newfoundland në Lindje, thanë zyrtarët.
Sipërfaqja e djegur deri më sot është më e madhe se territori i Greqisë.
"Kjo verë është kthyer në një maratonë sfiduese", u tha gazetarëve Michael Norton, drejtor i përgjithshëm i seksionit verior të Qendrës Pyjore Kanadeze. "Për fat të keq, sezoni i zjarrit nuk ka mbaruar dhe ka të ngjarë që ne do të përjetojmë aktivitete zjarri për shumë javë ende”, raportoi Anadolu.
Ka pasur 211 urdhra evakuimi deri më sot dhe më shumë se 167,000 njerëz janë detyruar të largohen nga shtëpitë e tyre, thanë zyrtarët.
"Ka pasur shumë pak pushim që nga maji. Ky sezon ka qenë i pamëshirshëm. Kjo është deri tani sasia më e madhe e sipërfaqes së djegur që kur filluam të mbajmë shënime", tha Norton.
