Një civil u vra dhe gjashtë u plagosën si rezultat i bombardimeve ruse në rajonin Dnipropetrovsk të Ukrainës të mërkurën, sipas një zyrtari lokal ushtarak ukrainas.
Shumica e viktimave ishin në distriktin Mezhivskyi, i cili është rreth 160 km (99 milje) nga qyteti Dnipro dhe kufizohet me rajonin Donetsk, shkruan CNN.
“Ka gjithashtu shumë shkatërrime. Shpërthyen tre zjarre, të cilët ekipet e shpëtimit i kanë shuar tashmë,” tha Serhii Lysak, kreu i administratës ushtarake të rajonit Dnipropetrovsk.
Një ndërmarrje bujqësore, një institucion arsimor, 49 shtëpi private dhe makina janë dëmtuar, shtoi ai.
