Në mars, Gjykata Ndërkombëtare Penale (ICC) lëshoi një urdhër arresti kundër presidentit rus Vladimir Putin, duke e akuzuar atë për krime lufte në Ukrainë. Pra, nëse Putin do të largohej nga Rusia ai do të arrestohej menjëherë. Për të shmangur poshtërimin ai anashkaloi gjithahstu samitin e fundit të Brics në Afrikën e Jugut.
Vitin e kaluar, edhe para urdhrit të ICC, ai nuk mori pjesë në takimin e G20 në Bali. Analistët kishin spekuluar atëherë se ai ndoshta donte të shmangte përgjegjësinë mbi pushtimin e Ukrainës.
Shqetësuese është edhe situata në Rusi. Presidenca e Putinit u trondit nga tentativa për kryengritje nga grupi ushtarak privat Wagner.
Në vend të Putinit, ministri i jashtëm veteran rus Sergei Lavrov shkoi në Delhi. Çdo përpjekje për të kritikuar pushtimin rus të Ukrainës do të përballet me rezistencë të ashpër nga Moska.
