LIVE: Netanyahu nuk e ndal luftën - Ministri izraelit paralajmëron Hezbollahun, kjo mund të ndodhë edhe në Bejrut!

Netanyahu thotë se Izraeli do të vazhdojë të luftojë Hamasin në veri dhe në jug, gjë që ka qenë e mundur vetëm "falë heroizmit dhe guximit të fëmijëve tanë".

Ai shton: "Kjo fitore ka një çmim shumë të rëndë për të paguar," dhe pranon se disa anëtarë të Forcave të Mbrojtjes të Izraelit (IDF) do të vdesin gjatë luftës.

Ai thotë se i është thënë nga familjet e ushtarëve të vrarë në luftime që të vazhdojë luftimin.

Benny Gantz, lideri i opozitës izraelite dhe, që nga fillimi i luftës, ministër i qeverisë, është i fundit që ka folur në konferencën për shtyp.

Ai lëshon një paralajmërim për Hezbollahun, i cili ka shkëmbyer zjarr me Izraelin që nga 7 tetori.

“Ajo që po ndodh tani në veri të Gazës mund të ndodhë edhe në Libanin jugor.

"Ajo që ka ndodhur me Gazën mund të ndodhë edhe me Bejrutin," thotë ai.

Për marrëveshjen e pengjeve, ai thotë se ishte "një nga vendimet më të vështira që më është dashur të marr në mbi 40 vjet që i kam shërbyer këtij vendi".

Pala tjetër po na teston dhe po përpiqet të blejë kohë, thotë ai.

Por ai shton: "Ne nuk e shikojmë realitetin nga këndvështrimi i ditëve, ne po shohim përjetësinë e popullit hebre dhe unë jam i vendosur të vazhdoj luftën [pas armëpushimit]".

Presidenti amerikan Joe Biden mirëpriti të mërkurën herët marrëveshjen për shkëmbimin e të burgosurve të arritur mes Izraelit dhe Hamasit.

“Si president, unë nuk kam prioritet më të madh sesa të garantoj sigurinë e amerikanëve të mbajtur peng në mbarë botën. Kjo është arsyeja pse – që nga momentet më të hershme të sulmit brutal të Hamasit – ekipi im i sigurisë kombëtare dhe unë kemi punuar ngushtë me partnerët rajonalë për të bërë gjithçka që është e mundur për të siguruar lirimin e bashkëqytetarëve tanë”, thuhet në një deklaratë nga Shtëpia e Bardhë.

Biden falënderoi Sheikh Tamim bin Hamad Al-Thani të Katarit dhe presidentin Abdel-Fattah El-Sisi të Egjiptit për "udhëheqjen dhe partneritetin e tyre kritik" në arritjen e marrëveshjes.

“Është e rëndësishme që të gjitha aspektet e kësaj marrëveshjeje të zbatohen plotësisht,” shtoi ai.

Qeveria izraelite ra dakord për një marrëveshje për shkëmbimin e të burgosurve me grupin palestinez Hamas të mërkurën herët.

Sipas marrëveshjes së ndërmjetësuar nga Katari, 50 izraelitë të mbajtur nga Hamasi do të lirohen në këmbim të 150 të burgosurve palestinezë në burgjet izraelite.

Marrëveshja përfshin gjithashtu një pauzë katër-ditore në luftime dhe hyrjen e 300 kamionëve të ngarkuar me ndihma humanitare, përfshirë karburantin, në Rripin e Gazës.

Izraeli ka nisur sulme të pamëshirshme ajrore dhe tokësore në Rripin e Gazës pas sulmit të Hamasit.

Numri i të vdekurve palestinezë nga sulmet izraelite në Rripin e Gazës është rritur në 14,128, thanë të martën nga Ministria e Shëndetësisë në enklavën e bllokuar.

“Viktimat përfshijnë mbi 5.840 fëmijë dhe 3.920 gra”, shtoi ministria në një deklaratë. Ndërkohë, numri i të vdekurve izraelitë është rreth 1200, sipas shifrave zyrtare. Mijëra ndërtesa, duke përfshirë spitale, xhami dhe kisha, janë dëmtuar ose shkatërruar gjithashtu nga sulmet ajrore dhe tokësore të Izraelit në enklavën e rrethuar. 

Media shtetërore e Egjiptit, televizioni Qahera, tha se armëpushimi midis Izraelit dhe Hamasit – grup palestinez i shpallur organizatë terroriste nga Shtetet e Bashkuara dhe Bashkimi Evropian – do të nisë në orën 10:00, sipas kohës lokale, të enjten më 23 nëntor.

Egjipti ka ndihmuar në ndërmjetësimin e armëpushimit katërditor, që do të lehtësojë lirimin e dhjetëra pengjeve që Hamasi kapi gjatë sulmeve të 7 tetorit në jug të Izraelit.

Sipas marrëveshjes, do të lirohen edhe dhjetëra të burgosur palestinezë në Izrael, si dhe do të lejohet që në Gazë të hyjë më shumë ndihmë humanitare.

Edhe mediat në Izrael kanë raportuar se armëpushimi do të nisë në orën 10:00 të së enjtes.

Armëpushimi ka rritur shpresën për përfundimin e luftës, që u nxit nga sulmet e Hamasit më 7 tetor.

Tani në javën e shtatë, konflikti ka bërë që pjesë të mëdha të Rripit të Gazës të rrafshohen nga sulmet e pareshtura izraelite dhe dhuna në Bregun e pushtuar Perëndimor është rritur, duke rritur frikën se lufta mund të mbërthejë mbarë Lindjen e Mesme.

Marrëveshja për armëpushim u njoftua nga Katari, shtet që ka luajtur rol kyç në ndërmjetësimin me Hamasin. Pesëdhjetë pengje do të lirohen në disa faza, në këmbim të lirimit të 150 palestinezëve të burgosur.

Të dyja palët do të lirojnë fillimisht gratë dhe fëmijët dhe do të lejojnë që të rriten dërgesat me ndihmë humanitare në Gazë.

Hamasi ka rrëmbyer afër 240 persona gjatë sulmeve të 7 tetorit dhe ka vrarë afër 1.200 persona në jug të Izraelit.

Ndërkaq, si pasojë e luftës në Rripin e Gazë – të banuar me 2.3 milionë palestinezë – janë vrarë mbi 13.000 palestinezë, 40 për qind e të cilëve janë fëmijë./REL

Sekretari i Jashtëm i Britanisë së Madhe, David Cameron ka thënë se marrëveshja e arritur mes Izraelit dhe Hamasit është e rëndësishme sepse armëpushimi do të ndihmojë që në Gazë të sigurohet sasi e madhe ushqimi dhe derivate.

Ai përshëndeti marrëveshjen duke theksuar se do të ndihmojnë në lehtësimin dhe largimin e stresit të familjarëve të pengjeve, duke pranuar se kjo do të zgjidh krizën humanitare në Gazë.

Ai i bëri thirrje dy palëve që të sigurohen që marrëveshja të respektohet plotësisht dhe ritheksoi premtimin e Britanisë së Madhe, se do të punojë me partnerët në lirimin e më shumë se 200 pengjeve që janë marrë nga Hamasi.

Sipas marrëveshjes do të ketë armëpushim katërditor, kurse ndihma humanitare do të lejohet të futet në të gjitha pjesët e Gazës.

Cameron tha se pauzat në luftëra ofrojnë mundësi të rëndësishme që të sigurohet më shumë sasi e ushqimit, derivateve dhe ndihmave tjera për shpëtimin e jetëve të njerëzve në Gazë.

“Tashmë kemi dyfishuar përpjekjet për ndihmë palestinezëve gjatë këtij viti dhe do të bashkëpunojmë ngushtë me Kombet e Bashkuara, për t’u siguruar që ndihma të shkojë tek ata që kanë nevojë”, tha për fund Cameron. 

Presidenti palestinez Mahmoud Abbas ka mirëpritur marrëveshjen e arritur mes Izraelit dhe Hamasit dhe ka bërë thirrje për zgjidhje më të gjera në konflikt.

Administrata e Abbasit, që gjendet në Bregun Perëndimor të pushtuar, vlerëson përpjekjet e Katarit dhe Egjiptit.

Abbas dëshiron një armëpushim të zgjatur me Izraelin dhe “zbatimin e një zgjidhjeje politike të bazuar në legjitimitetin ndërkombëtar”.

Autoriteti Palestinez është organi qeverisës që mbikëqyr pjesë të Bregut Perëndimor të pushtuar nga Izraeli.

Abbas ka thënë më parë se mund të luajë një rol të ardhshëm në qeverisjen e Gazës.

Numri i viktimave nga konflikti i Izrael-Hamas ka shkuar në 15.500. Kjo është konfirmuar nga të dhënat zyrtare të publikuara nga të dyja palët.

Sipas zyrës së mediave qeveritare të Hamasit, numri i viktimave palestinezë në Rripin e Gazës ka tejkaluar 14 mijë që kur shpërtheu konflikti aktual Izrael-Hamas më 7 tetor.

Ismail al-Thawabta, drejtor i përgjithshëm i zyrës për media, tha në një konferencë për shtyp se në mesin e të vdekurve ishin 5,840 fëmijë dhe 3,920 gra, ndërsa më shumë se 33,000 të tjerë u plagosën.

Ai tha se numri i personave të zhdukur ka tejkaluar 6,800, duke përfshirë 4,500 fëmijë dhe gra nën rrënojat e ndërtesave të shkatërruara nga sulmet izraelite.

Sipas Ministrisë palestineze të Shëndetësisë, në Bregun Perëndimor, të paktën 218 njerëz u vranë në konflikt që nga e marta në mbrëmje, me më shumë se 2,850 të tjerë të plagosur.

Nga ana izraelite, të dhënat e qeverisë tregojnë se rreth 1200 janë vrarë. Nga 2.3 milionë banorët e Gazës, 1.7 milionë janë tani të zhvendosur.

Bashkimi Europian po e mirëpret marrëveshjen për lirimin e 50 pengjeve nga Gaza, në një ujdi për një pauzë të konfliktit.

Shefi i BE-së, për politikë të Jashtme, Joseph Borrell, mes tjerash u ka bërë thirrje Hamasit, për lirim të menjëhershëm të të gjitha pengjeve.

”BE-ja mirëpret marrëveshjen për lirimin e 50 pengjeve nga Gaza për një pauzë të zgjatur në konflikt”.

”Pas 7 javësh vuajtjesh, më në fund ata do të bashkohen me familjet e tyre. Ne bëjmë thirrje për lirimin e menjëhershëm të të gjithë pengjeve”.

Tutje ai në platformën X, shkruan se BE-ja do të kryej pjesën e saj në ofrimin e ndihmës për civilët që po durojnë luftën në Gaza.

”Pauza humanitare duhet të përdoret për të ofruar sa më shumë ndihma të nevojshme urgjente për civilët që durojnë luftën shkatërruese në Gaza”.

Marrëveshja e shkëmbimit të të burgosurve pritet të hyjë në fuqi nesër, sipas infomacioneve të fundit.

Pasi publiku izraelit ka pasur 24 orë kohë për të bërë peticion kundër lirimit të planifikuar të 150 grave dhe fëmijëve palestinezë të mbajtur në burgjet izraelite.

Megjithatë, nuk pritet asnjë ndryshim, pasi anëtarët e familjes dhe mijëra mbështetës kanë ushtruar presion ndaj qeverisë izraelite për t'i dhënë përparësi lirimit të pengjeve, shkruan Sky news, përcjell “Bota sot”.

Një marshim pesë-ditor arriti kulmin të shtunën me rreth 20,000 njerëz në autostradën kryesore Tel-Aviv-Jerusalem duke i bërë thirrje qeverisë të fitojë lirinë e tyre.

Katari, i cili ka ndërmjetësuar negociatat midis Izraelit dhe Hamasit, ka njoftuar se është rënë dakord për një pauzë humanitare.

Ai konfirmoi se luftimet do të ndërpriten për katër ditë, "subjekt i zgjatjes".

Katari tha gjithashtu se marrëveshja përfshin lirimin e 50 grave dhe fëmijëve peng që mbahen nga Hamasi në këmbim të lirimit të grave dhe fëmijëve palestinezë të mbajtur në burgjet izraelite, shkruan Sky news, përcjell “Bota sot”.

Ai tha se "numri i të liruarve do të rritet në fazat e mëvonshme të zbatimit të marrëveshjes".

Katari tha se pauza humanitare do të lejojë hyrjen e "një numri më të madh" të autokolonave humanitare dhe ndihmave në Gaza, duke përfshirë karburantin për nevoja humanitare.

Ai tha se ishte i përkushtuar ndaj "përpjekjeve të vazhdueshme diplomatike për të ulur tensionet, për të ndaluar gjakderdhjen dhe për të mbrojtur civilët".

Doha ndihmoi ndërmjetësimin e marrëveshjes së bashku me Egjiptin dhe Shtetet e Bashkuara.