Një operacion i gjërë për të goditur krimin e organizuar e ka çuar policinë britanike në shtatë shtëpi ku u gjetën 500 mijë paund kanabis dhe bëri 5 arrestime.
Katër nga të arrestuarit ishin shqiptarë dhe zbulimu bë pasi një helikopter që përdorte teknologjinë e kërkimit të nxehtësisë, zbuloi gjashtë ferma kanabisi.
Bastistja e fermave, të gjitha në zonën e Peterborought, u pasua nga një numër urdhrash për arrestime në qytet, të premten, mëngjesin e 1 shkurtit.
Rreth 50 oficerë policie në peterborought, të mbështetur nga kolegë të departamenteve speciale dhe emigracionit, hynë në të shtatë adresat e dhëna në zonën Bretton në kuadrin e goditjes së rrjeteve të drogës të grupeve të krimit të organizuar.
Më shumë se 571 bimë kanabisi në faza të ndryshme rritjeje u konfiskuan duke shënuar një vlerë prej 500 mijë paundësh. Dy kilogramë ishin në gjendje të thatë.
Pesë burrat e arrestuar ishin të moshave 19, 22, 23,27 dhe 49 vjeç. 19-vjeçari dhe 49-vjeçari janë lëshuar por do të jenë në hetim.
Të arrestuarit janë: Adrian Pepaj, 22 vjeç, nga Brookfurlong, Bretton, i akuzuar për mbajtjen e dokumenteve të rreme të identifikimit. Kledian Lezhaj, 27 vjeç, nga Swanspool, Bretton dhe Sokol Sakuta, 23 vjeç, nga Drayton, Bretton, akuzuar të dy për prodhim kanabisi.
