Shoqata e mësuesëve shqiptarë në Austri denjësisht festoi ditën e pavarësisë së Kosovës - Bota Sot
Shoqata e mësuesëve shqiptarë në Austri denjësisht festoi ditën e pavarësisë së Kosovës

Diaspora

Shoqata e mësuesëve shqiptarë në Austri denjësisht festoi ditën e pavarësisë së Kosovës

Nga: Ismet Sinani, mësues Më: 28 shkurt 2019 Në ora: 18:16
Shoqata e Mësuesëve Shqipterë „Naim Frashëri“ në Austri

Shoqata e Mësuesëve Shqipterë „Naim Frashëri“ në Austri në bashkorganizim me Ministrinë e Diasporës të Republikës së Kosovës, më 24.02.2019, për nder të 17 Shkurtit- Ditës së Pavartesisë së Kosofës, në Radsdt(Salzburg), organizoi një festë solemne me poezi, këngë, monolog, pjesë teatrale e valle burimore shqipe. 


Nga mysafirët zyrtarë ishte përfaqësuesi i Ambasadës së Republikës së Kosovës në Wien, konsulli , z.Isa Kosumi. 
Në Radstadf, në qytezën e vogël turistike, e njohur kryesisht për sporte te bardha, sot ishte kthyer e tera në festë, ku sikur asnjëherë më parë, recitohej, këndohej e vallëzohej vetëm në gjuhën shqipe.

Në këtë qytezë të vogël, me një numër të konsideruar me familje shqiptare, jorastesisht e organizuar nga Shoqata e Mesuesëve Shqiptarë në Austri,(për ndërgjegjësimin dhe vetdijësimin e prindërve shqiptarë të atij lokaliteti për t‘i dërguar fëmijtë në numër sa më të madh të fëmijëve në shkollën e mësimit plotësues të gjuhës shqipe), nxënës, mësues, shoqata shqiptare e bashkatdhetarë, ishin nisur dhe drejtuar nga i tërë shtetii i Austrisë, për të festuar 11. vjetorin e Pavarësisë së Kosovës.

Në një ambient madhështor, në sallën e bukur të qytezëz, që tani ishte shndërruar e tëra me pamje solemne, e përgatitur nga mësuesja nikoqire, z.Qefsere Bislimi dhe stafi mësuesëve, me flamuj e plakata, ishte mbushur përplot me nxënës, mësues, prindër e bashkatdhetarë. Si zakonisht, programi festiv, renditja, sistenimi ishte i planifikuar dhe i përgatitur mirë nga mësuesit. 
Detyra për ta moderuar këtë program festiv iu besua mësuesit me përvojë, z.Osman Ademi. Fillimisht, tubimin e përshëndeti konsulli i Republikës së Kosovës, z.Isa Kosumi Ai i falenderoi të gjithë akterët e përfshirë qe kanë në organizmin e këtij të rëndësishëm kushtuar 11 vjetorit të Pavarësisë së Kosovës. Kosova, vazhdoi diskutimin, ka arritur të çlirohet në saje të luftës së drejtë të UÇK , Amerikës dhe të aleatëve tjerë nga Bashkimi Evropian.

Kosova tani eshtë e lirë dhe do të vazhdojë sigurt rrugëtimin e saj ashtu sikur vepron çdo shtet tjetër.
Pas këtij doli kryetarja SHMSH në Austri z.Miradije Berisha. Ajo i përshëndeti të pranishmit, ku në mes tjerash, foli për rëndësinë e shkollës shqipe dhe apeloj te prindërit shqiptarë të qytezëz dhe rrethinës së tij që të mos hezitojnë dhe t‘i dërgojnë fëmijtë e tyre në shkollën e mësimit plotësues në gjuhën shqipe. Të mos harrojmë, potencoi ajo, se fëmijtë tanë janë ardhmëria dhe pjesa më e ndritur e kombit tonë.
Dhe në fund tubimin e pershëndeti nikoqirja e këtij organizimi mësuesja, Qefsere Bislimi dhe njëkohësisht i falenderoi të gjithë bashkëatdhetarët, e në veçanti nënat që e ndihmuan dhe e përkrahën në organizimin e kësaj feste me ushqime nga kuzhina jonë tradicionale shqiptare.


Të gjitha pikat e programit ishin të bukura dhe shumë interesante të cilat vazhdimisht gjatê gjithë kohës zgjuan kurreshtjen dhe u brohoritën sistematikisht nga të pranishmit. U recituan shumë poezi(15), u kënduan shumë këgë(7),dy pjesë teatrale, një monolog dhe poashtu shumë valle popullore(9). Nxënësit u takonin përafërsisht të gjitha moshave dhe shihej qartë entuziazmi dhe përkushtimi i tyre i madh që të japin më të mirën të mundshme nga ana e tyre. Ata treguan aftësi dhe talente në shumë fusha, që fitohej përshtypja se me pak punë ata mund të arrisin majat e artit teatral dhe muzikor. Fal përkushtimit dhe dashurisë që festa të dukej sa më dinjitoze, festa zgjati përafërsisht katër orë. 


Nga gjithë ajo që u pa dhe u tregua vërehej se Shoqata e Mësuesëve Shqiptarë ka dëshmuar në vepër se, përveç punës që e bëjnë në përditëshmëri në zhvillimln normal të mësimit plotësues në gjuhën shqipe,kjo ka qenë mjaft e angazhuar në planifikimin dhe në realizimin e shume projekteve që në një mënyrë a tjeter e kultivojnë dhe e forcojnë ideologjinė në ruajtjen dhe mbrojtjen e identitetit kulturor e kombëtar. SHMSH falenderon dhe u është mirënjohëse individëve që me gadishmerinë dhe vetmohimin e tyre kontribuan në mbarëvajten e këtij manifestim:

Dr.Idriz Smajli - në inqizimin e programit festiv me kamerë 


BSc.Besian Sinani dhe mësuesin Ibrahim Hasanaj për punët teknike dhe ndihmën 
që dhanë në mbarevajtjen e këtij programi 


Mësuesen nikoqire dhe prindërit(nënat) që ndihmuan në përgatijen e ushqimeve 
tradicionale nga kuzhina shqiptare 


Moderatorin e këti eventi festiv, mësuesin me përvojë, z,Osman Ademi dhe në 
veçanti 


Ministrinë e Diasporës të Republikës së Kosovës që në fakt ishte edhe 
sponzoruesi kryesor këtij eventi. 


Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...