Një i ri shqiptar i moshës 20 vjeç ka gjetur vdekjen mëngjesin e sotëm në një aksident rrugor në Itali.
Ngjarja ka ndodhur në Bari në një rrugë brenda qytetit.
Sipas dinamikës së ngjarjes aksidentale, makina e viktimës është përplasur me një tjetër automjet ndërsa i riu shqiptar po shkonte në punë.
Siç vihet re edhe nga fotot, përplasja ka qenë e fortë dhe ka rezultuar fatale për të riun shqiptar i cila ka gjetur vdekjen në vendngjarje.
Për nxjerrjen e trupit nga mjeti është dashur ndërhyrja e zjarrfikësve.
