Nga kufijtë e jashtëm të Gjermanisë janë kthyer mbrapsht 6000 persona në gjashtëmujorin e parë të 2017 ose dyfish më pak krahasuar me të njëjtin interval në vitin e kaluar, shkruan „Neue Osnabrücker Zeitung“ nga burimet policore. Kjo lidhet kryesisht me vendosjen e kontrolleve kufitare gjatë valës së refugjatëve ku u dëbuan 13.000 persona në 2016; ndërsa gjatë 2017 kontrolle kufitare ka vetëm në kufijtë jugorë të Gjermanisë.
3344 persona janë kthyer mbrapsht nga kufiri me Austrinë, përcjell botasot.info.
Aeroportet: Nga këto vënde vijnë shumica e të kthyerve mbprasht
Krahas kufirit me Austrinë kthimet mbrapa nga policia kufitare regjistrohen mjaft edhe nga aeroportet - 2340 persona janë kthyer mbrapsht gjatë gjashtëmujorit të parë 2017 nga aeroportet gjermane. Në vendin e parë këtu bëjnë pjesë fluturuesit nga Shqipëria (553), ndjekur nga Nigeria (507) dhe Siria (418)./Bota sot