BQK nënshkruan memorandum mirëkuptimi me Bankën Qendrore Evropiane - Bota Sot
BQK nënshkruan memorandum mirëkuptimi me Bankën Qendrore Evropiane

Ekonomi

BQK nënshkruan memorandum mirëkuptimi me Bankën Qendrore Evropiane

Më: 27 nëntor 2018 Në ora: 14:45
Ilustrim

Banka Qendrore e Republikës së Kosovës ka nënshkruar Memorandum Mirëkuptimi me Bankën Qendrore Evropiane (ECB - European Central Bank).

Sipas kumtesës për media, Guvernatori i BQK-së, Fehmi Mehmeti ka shprehur kënaqësinë për nënshkrimin e këtij memorandumi, i cili është i një rëndësie të madhe për BQK-në dhe Kosovën.

“Ky memorandum, përveç tjerash ka për qëllim thellimin e marrëdhënieve mes dy institucioneve rregulluese të sistemit bankar, rritjen e bashkëpunimimit me qëllim të shkëmbimit të informacioneve, bashkëpunimin lidhur me mbikëqyrjen në vend, të ekzaminimeve dhe çështje tjera. Memorandumi me BQE-në, forcon edhe më shumë lidhjen mes Kosovës dhe Bashkimit Evropian, ndërsa neve si BQK do të na ndihmojë shumë që të ecim përpara me përmbushjen e të gjitha detyrimeve, që dalin nga integrimet evropiane”, ka deklaruar Guvernatori Mehmeti.

Dy palët nënshkruese janë pajtuar që të rritin shkëmbimin e njohurive dhe ekspertizës, pastaj këshillat teknike, trajnimet, seminaret etj. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...