Putin: Rusia do të prodhojë raketa, por nuk do t'i vendosë ato - Bota Sot
Putin: Rusia do të prodhojë raketa, por nuk do t'i vendosë ato

Evropë

Putin: Rusia do të prodhojë raketa, por nuk do t'i vendosë ato

Më: 5 shtator 2019 Në ora: 13:36
Vladimir Putin

Presidenti Vladimir Putin tha sot se Rusia do të prodhojë raketa, të ndaluara në bazë të marrëveshjes bërthamore të epokës së Luftës së Ftohtë që skadoi muajin e kaluar, por se Moska nuk do t'i vendosë ato me kusht që Shtetet e Bashkuara të mos e bëjnë më herët një gjë të tillë.

Duke folur në një forum ekonomik në Lindjen e Largët, Putin tha se ishte i shqetësuar për vendosjen eventuale të raketave amerikane në Japoni dhe Korenë e Jugut, pasi sipas tij, kjo do të përbënte një kërcënim për pjesën më të madhe të territorit të Rusisë.

"Nëse raketat amerikane vendosen në Japoni ose Korenë e Jugut, ne e kuptojmë se kjo do të bëhet për të balancuar kërcënimet e mundshme nga Koreja e Veriut, por kjo do të krijojë disa probleme të konsiderueshme për ne," tha Putin.

Ai tha se ato sisteme raketash ka të ngjarë të arrijnë caqe në një pjesë të konsiderueshme të territorit të Rusisë, përfshirë Lindjen e Largët.

Uashingtoni muajin e kaluar u tërhoq nga Marrëveshja për shkatërrimin e raketave me rreze të mesme dhe të shkurtër, duke akuzuar Rusinë për shkeljen e marrëveshjes, të cilën kjo e fundit e mohon.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...