Të hënën, tri parti pro-evropiane të qendrës së djathtë nënshkruan një marrëveshje në Rumani që synonte formimin e një qeverie me ekonomistin Florin Citu si Kryeministër.
Sipas medieve të huaja, kjo erdhi pasi vendi mbajti zgjedhjet parlamentare në 6 dhjetor.
Ish-kryeministri, Ludovic Orban, drejtuesi i Partisë Kombëtare Liberale (PNL) i cili dha dorëheqjen pasi partia e tij mori 25% të votave tha: “Ne duam t’i japim shpejt Rumanisë një qeveri që ndjek reformat që mund të modernizojnë vendin”.
Kështu, PNL do të formojë një koalicion me dy parti të tjera: USR-Plus dhe Partia e Pakicës Magyar (UDMR).
Koalicioni i ri tha gjithashtu se do të paraqesë ministrin aktual të Financave, Florin Citu për t’u bërë kryeministri i ardhshëm.
“Unë jam i sigurt se do të jetë një qeveri e qëndrueshme, afatgjatë, kushtuar interesave të qytetarëve”, ka thënë Citu.
