Novi Sadi në Serbi është një nga Kryeqytetet evropiane të Kulturës për vitin 2021/22.
Ai është shumëngjyrësh, i zhurmshëm dhe i larmishëm. Serbë, hungarezë, sllovakë, kroatë, rumunë, malazezë, romë dhe grupe të tjera etnike jetojnë në qytetin e dytë më të madh në Serbi. Jeta kulturore pulson.
Në shekullin e 19-të, Novi Sadi ishte qendra e kulturës serbe dhe një qendër e rëndësishme tregtare dhe prodhuese. Kjo është arsyeja pse ai quhet "Athina Serbe".
Kalaja Petrovaradin
Simboli i qytetit është kalaja Petrovaradin që gjendet në kodrën mbi lumin Danub. Ajo është një nga qendrat më të rëndësishme kulturore historike në Serbi dhe një nga fortesat më të mëdha dhe më të ruajtura në Evropë. Kalimet nëntokësore me një gjatësi prej 16 kilometrash janë unike.
Që nga viti 2001 në kala zhvillohet çdo korrik një nga festivalet më të mëdha të muzikës në Evropën Juglindore, EXIT.
Ora e dehur
Që nga mesi i shekullit të 18-të vizitorët e fortesën e kodrës Petrovaradin ndalen shpesh të hutuar duke parë orën e kalasë. Kjo orë është një dhuratë që mbretëresha e Austrisë Maria Theresa i bëri qytetit rreth vitit 1750.
Akrepi i vogël i orës tregon minutat dhe kurse i madhi orët, pra ndryshe nga orët e zakonshme, prandaj atë e quajnë "Ora e dehur".
Vajza e famshme e Novi Sadit
Një nga vajzat më të famshme të qytetit është Mileva Marić. Ajo ishte serbja e parë dhe një nga gratë e para në botë që u diplomua në matematikë dhe fizikë.
Në vitin 1903 ajo u martua me shokun e saj të studimeve Albert Einstein, edhe pse nëna e tij ishte kundër. Njëmbëdhjetë vjet më vonë ata u ndanë. Deri sot ka shumë mite për kontributin e Milevës në shtjellimin e teorisë së relativitetit./DW/
