Numri i njerëzve që vuajnë nga COVID-19 në kujdesin intensiv arriti në 3.922 të enjten, më i larti në tre muaj e gjysmë dhe Franca është e shtata në botë për nga numri i vdekjeve, njoftoi Ministria e Shëndetësisë, duke shtuar se ajo do të vazhdojë përdorimin e vaksinës AstraZeneca.
Në 24 orët e fundit, 265 njerëz vdiqën, duke e çuar numrin e përgjithshëm të të vdekurve në 89.984, duke e bërë Francën vendin e shtatë më vdekjeprurës të koronavirusit në botë, tha ministria.
Sipas numrit të të infektuarve të konfirmuar – 4.050.000, Franca është e gjashta në botë.
Ministri i Shëndetësisë Olivier Veran tha se situata ishte veçanërisht shqetësuese në rajonin e Parisit, me një numër të lartë të pacientëve në njësitë e kujdesit intensiv.
Në një konferencë javore, Veran tha se po bëheshin përgatitjet për të zhvendosur "dhjetëra, ndoshta qindra" pacientë nga rajoni i Parisit në provinca të tjera.
Çdo 12 minuta, një person pranohej në njësinë e kujdesit intensiv, tha ai, siç raportohet nga Reuters.
Ai më tej tha se autoritetet shëndetësore franceze nuk shohin asnjë arsye për të pezulluar vaksinimin me vaksinën AstraZeneca siç kanë bërë disa vende evropiane.
"Përfitimet e vaksinës AstraZeneca tejkalojnë rreziqet," tha Veran.
Danimarka, Norvegjia, Italia dhe Islanda sot pezulluan përdorimin e vaksinës AstraZeneca për dyshimin e shkaktimit të mpiksjes së gjakut, pavarësisht deklaratave nga prodhuesit dhe rregullatorët evropianë që pretendojnë se vaksina është e sigurt.
Sot u njoftua se ministri i Jashtëm Francez Jean-Yves Le Drian do të vihet në izolim për shkak të kontaktit me një person nga një familje që është pozitive për COVID-19.
Le Drian, 73-vjeç, do të testohet për koronavirus të enjten në mbrëmje dhe testi tjetër do të bëhet javën tjetër të mërkurën, një javë pas kontaktit me një person pozitiv.
Ministri Le Drian, i cili është i dyti në qeverinë franceze, priti të enjten një takim mbi procesin e paqes në Lindjen e Mesme, ku morën pjesë homologë gjermanë, jordanezë dhe egjiptianë dhe u takua me të dërguarin special të SHBA-së për Ndryshimet Klimatike John Kerry të mërkurën.
