Një pastiçeri në Hungari e ka gjetur mënyrën më kreative për të tërhequr klientët, duke servuar ëmbëlsira me emra të vaksinave të COVID-19.
Në pastiçerinë e familjes Sulyan në qytetin e vogël Veresegyhaz, në verilindje të Budapestit keni mundësi të provoni ëmbëlsirën Astra, Pfizer ose Sputnik, shkruan Reuters.
Interesante është se çdo ngjyrë përfaqëson një vaksinë të ndryshme të COVID-19: e verdha është për AstraZeneca, e verdhë më e errët është për Sinopharm, jeshile për Pfizer, portokalli për Sputnik V dhe e kaltër për Moderna.
“Këtu njerëzit nuk kanë një zgjedhje, nuk ka regjistrim dhe nuk ka efekte anësore”, ka thënë pronarja e pastiçerisë Katalan Benko.
“Çdokush mund t’i provojë këto ëmbëlsira, pasi i vetmi efekt i mundshëm anësor do të ishte një buzëqeshje në fytyrën e tyre”, u shpreh ajo.
