Në funksion të prezantimit të ardhshëm të manifestimeve zgjedhore të CDU dhe CSU, Kancelarja paralajmëron për sfidat kryesore, me të cilat Gjermania do të përballet në vitet e ardhshme. Kina dhe autokracitë e tjera po udhëheqin në këtë drejtim, ashtu si SHBA. Inovacioni dhe dixhitalizimi do të janë thelbësore për të ardhmen.
Kancelarja Angela Merkel e sheh Gjermaninë duke u përballur me vështirësi të thella në funksion të pasojave të pandemisë së kurorës. Duke parë programin zgjedhor të Unionit, ajo i tha ntv: "është e rëndësishme që ne të flasim për një ndryshim të epokave, në kapitullin e parë të programit. Ne ndodhemi para një ndryshimi të epokave." Që veçanërisht do të drejtohet nga inovacioni dhe dixhitalizimi. Pothuajse 100 ditë para zgjedhjeve federale, udhëheqësit e CDU dhe CSU aktualisht po vendosin për programin e tyre të përbashkët. Kandidati për Kancelar Armin Laschet dhe shefi i CSU Markus Söder duan të paraqesin programin e përbashkët para zgjedhësve të tyre.
Sidoqoftë, dinamika tashmë ka qenë e madhe në vitet e fundit. Që nga viti 2007 ka pasur një sfidë pas tjetrës, sipas Kancelares në largim, e cila ka qenë kreu i qeverisë që nga 2005. Dinamizmi i madh ekonomik në Azi dhe ngritja e Kinës, kanë ndryshuar prej kohësh strukturën ndërkombëtare të fuqisë. "Ne po përjetojmë mosrespektim të ligjit ndërkombëtar dhe thyerje të rregullave nga shtetet kryesore në sistemin ndërkombëtar dhe po shohim, tendenca populiste që përhapen në të gjithë botën, përfshirë këtu edhe në shtetet demokratike."
Me shpërthimin e pandemisë, kartat në botë gjithashtu do të riorganizohen. Demokracitë e hapura do ta kenë më vështirë, se sa sistemet autokratike. "Ne kemi më shumë hapa për të bërë," i tha Merkel agjencisë gjermane të shtypit. Për shembull, prodhimi i brendshëm kinez bruto është rritur më shumë se gjashtëfish në vitet e fundit, ndërsa PBB (bruto prodhimi i brenshëm) gjerman nuk është rritur as me një herë e gjysmë, në të njëjtën periudhë.
Kina për shembull, është shumë e suksesshme, edhe pse sundon në mënyrë autokratike. Evropa nga ana tjetër, sipas vlerësimit të matur të Merkelit, nuk po arrinë të udhëheq në shumë fusha: jo, as në informatikë kuantike , çipët mikroelektronik ose në kërkime të baterisë. Duhet të punohet fuqishëm në këtë drejtim. Sidoqoftë, fokusi nuk është vetëm në Lindje, por edhe në SHBA. "Ne mund të shohim forcën me të cilën SHBA po e trajtojnë atë - gjithashtu ekonomikisht," tha Merkel.
