Diga e lumit Ruhr në Gjermani është dëmtuar nën vazhdën e përmbytjeve katastrofike në Gjermaninë Perëndimore dhe Belgjikë. Numri i viktimave është rritur në 168.
Siç raporton mediumi gjerman ‘Deutsche Welle’, ky nuk mund të jetë bilanci përfundimtar i tragjedisë, pasi që në të dyja vende ende ka persona të listuar si të zhdukur.
Dëmtimi i digës së lumit Ruhr kërcënon përmbytje tjera, derisa siç thotë mediumi, si pasojë cenohet edhe pjesa jugore e Gjermanisë.
Një numër i madh njerëzish janë regjistruar si të zhdukur, derisa ekipet e shpëtimit po gjejnë vazhdimisht të vdekur në bodrumet e shtëpive, përcjell Gazeta Express.
Të premten, 1,300 njerëz u raportuan të zhdukur, por zyrtarët e policisë thonë se numri është duke u zvogëluar.
