Mitropoliti Joanikije u përurua të dielën si kreu i ri i degës malazeze të Kishës Ortodokse Serbe në një Manastir në Cetinë pavarësisht kundërshtimeve. Ceremonia e mbajtur në ish-kryeqytetin e kombit të vogël ballkanik, megjithatë zemëroi kundërshtarët e kishës serbe në Malin e Zi, e cila shpalli pavarësinë nga Serbia fqinje në vitin 2006.
Mitropoliti Joanikije dhe Patriarku i kishës Porfirie kishin mbërritur për inaugurimin me helikopter mes masave të rrepta të sigurisë.
Policia përdori gaz lotsjellës kundër protestuesve që qëlluan me armë në ajër dhe hodhën shishe dhe gurë në Cetinje përpara ceremonisë të së dielës.
Raportet e policisë dhe mediave thanë se të paktën shtatë policë dhe disa protestues u plagosën në përleshje, ndërsa të paktën 14 persona u arrestuan.
Rreth 30% e 620.000 banorëve të Malit të Zi e konsiderojnë veten serbë.
