Presidenti çek është në gjendje stabilie, thonë mjekët

Evropë

Presidenti çek është në gjendje stabilie, thonë mjekët

Më: 11 tetor 2021 Në ora: 20:10
Presidenti i Çekisë, Millosh Zeman.

Presidenti çek, Millosh Zeman, është në gjendje stabile, tha të hënën një zëdhënës i spitalit ushtarak në Pragë.

Zeman, 77 vjeç, u shtrua të dielën në njësinë e kujdesit intensiv të këtij spitali.

Detajet për sëmundjen e tij nuk janë zbuluar.

Për shkak të situatës së krijuar, Çekia përballet me një periudhë të pasigurisë.

Më 8 dhe 9 tetor, në këtë vend janë mbajtur zgjedhjet parlamentare.

Aleati i Zemanit, kryeministri Andrej Babis, i ka humbur zgjedhjet.

Zeman luan rol vendimtar në përcaktimin e asaj që do të ndodhë tani, sepse si president është përgjegjës për emërimin e kandidatit që do ta formojë Qeverinë e re.

Nëse kreu i shtetit nuk është në gjendje, kjo detyrë i kalon kryetarit të Dhomës së Deputetëve.

Një zëdhënës i Zemanit tha se shtrimi në spital i presidentit nuk i rrezikon bisedimet midis partive.

Kryetari i opozitës, Petr Fiala, i cili i fitoi zgjedhjet, tha të hënën se do të jetë i durueshëm.

“Do të pres derisa shëndeti i presidentit të përmirësohet - gjë që unë e dëshiroj për të”, tha Fiala./REL

Më të lexuarat
Sot mund të lexoni Shfletoni kopertinat