Zyrtarët boshnjakë dhe liderët fetarë kanë denoncuar sugjerimet e shprehura nga kryeministri hungarez Viktor Orban dhe zëdhënësit të tij se integrimi i Bosnjës në Bashkimin Evropian do të jetë sfidues për shkak të popullsisë së saj të madhe myslimane.
Zëdhënësi i Orbanit, Zoltan Kovacs, ka shkruar se “sfida me Bosnjën është si të integrohet një shtet me 2 milionë myslimanë”.
Gjatë fjalimit në Budapest, Orbani ka thënë se Hungaria e mbështet ofertën e Bosnjës në BE, raporton AP.
“Po bëj më të mirën për të bindur liderët më të mëdhenj të Evropës se Ballkani mund të jenë më larg tyre se nga Hungaria, por si e menaxhojmë sigurinë e një shteti ku 2 milionë myslimanë jetojnë, është një çështje kyçe për sigurinë e tyre po ashtu”.
Reagimet në Bosnje ishin të ashpra, me disa parti të cilat kërkuan ndalimin e vizitës së Orbanit në Sarajevë e cila është e planifikuar.
