“Zvogëlohet” tavolina pritëse e Putinit në takimin me homologun brazilian

Evropë

“Zvogëlohet” tavolina pritëse e Putinit në takimin me homologun brazilian

Më: 16 shkurt 2022 Në ora: 16:54
Putin i organizoi një pritje shumë më të ngrohtë sesa liderëve të tjerë që e vizituan ditëve të fundit

Presidenti i Brazilit, Jair Bolsonaro, këtë të mërkurë, u takua me homologun rus, Vladimir Putin, në Moskë për të diskutuar marrëdhëniet dypalëshe.

Bolsonaro mbërriti në Moskë, pavarësisht paralajmërimeve perëndimore se Rusia mund të pushtojë së shpejti Ukrainën, shkruan AP.

Qeveria amerikane dhe anëtarët e kabinetit të saj i kishin kërkuar udhëheqësit brazilian të anulonte udhëtimin. Por, vizita ishte planifikuar shumë përpara fillimit të krizës në Ukrainë.

Madje, atij Putin i organizoi një pritje shumë më të ngrohtë sesa liderëve të tjerë që e vizituan ditëve të fundit. Për të rezervoi një tavolinë të vogël, që i siguroi afërsi me të.

Image
Pritja e presidentit francez, Emmanuel Macron, në anën tjetër, në një tryezë të gjatë nga presidenti rus, Vladimir Putin, në Moskë, ku ai shkoi për të diskutuar për krizën e Ukrainës, mori një vëmendje të gjerë në mbarë botën.

 

Image
Putin njësoj veproi edhe kur priti në takim kancelarin e Gjermanisë, Olaf Scholz, distanca mes tyre besohet të jetë e njëjta tavolinë e gjatë prej tetë metrash.
commentFirst article
Sot mund të lexoni Shfletoni kopertinat