Ministria e Mbrojtjes e Ukrainës u ka bërë thirrje qytetarëve ukrainas që t’i rezistojnë armikut rus dhe ta neutralizojnë atë.
Përmes një postimi në Twitter, kjo ministri i paralajmëroi qytetarët se forcat e armikut ndodhen në Obolon dhe kërkoi që ata t’i ofrojnë informacione rreth lëvizjes së pajisjeve ushtarake.
Në kërkesën e ministrisë gjithashtu përfshihet një sugjerim për banorët se si të rezistojnë, duke u bërë thirrje që të mos largohen nga shtëpitë e tyre.
“Përgatitni koktej molotovi, neutralizojeni pushtuesin! Banorë paqësorë – jini të kujdesshëm! Mos u largoni nga shtëpia".
